🚩 मनोज जरांगेंचा विजय! सरकारनं मान्य केल्या मराठा समाजाच्या बहुतेक मागण्या 🚩

मुंबई (महाराष्ट्र वाणी): दि २ सप्टेबंर

मराठा समाजाला ओबीसी प्रवर्गातून आरक्षण मिळावे या प्रमुख मागणीसाठी मुंबईच्या आझाद मैदानावर गेल्या पाच दिवसांपासून मनोज जरांगे पाटील यांचं आंदोलन सुरू आहे. या आंदोलनाला राज्यभरातून प्रचंड प्रतिसाद मिळत असून हजारो मराठा बांधव आंदोलनात सहभागी झाले आहेत. या पार्श्वभूमीवर आज राज्य सरकारच्या शिष्टमंडळाने जरांगे यांची भेट घेतली. या भेटीत सरकारने त्यांच्या जवळपास सर्वच महत्वाच्या मागण्यांवर सकारात्मक निर्णय घेतल्याची माहिती स्वतः मनोज जरांगे यांनी दिली.

जरांगेंच्या मागण्यांवर सरकारचा शिक्कामोर्तब

✔️ हैदराबाद गॅझेटची अंमलबजावणी

✔️ सातारा व औंध गॅझेट अमलात आणणे

✔️ आंदोलकांवर दाखल गुन्हे मागे घेणे

✔️ आंदोलनात बळी गेलेल्या कुटुंबीयांच्या वारसांना पात्रतेनुसार सरकारी नोकरी

✔️ मराठा समाजातील ५८ लाख कुणबी नोंदी ग्रामपंचायतीत प्रसिद्ध करणे

✔️ वंशावळ समिती गठित करणे

✔️ मोडी, फारसी व उर्दू लिपी तज्ज्ञांची नेमणूक

✔️ मराठा-कुणबी एक असल्याबाबत शासन निर्णय (जीआर) काढणे

✔️ सगेसोयऱ्यांची तपासणी प्रक्रिया स्पष्ट करणे

आंदोलनाला नवा टप्पा

या निर्णयांमुळे मराठा समाजाच्या दीर्घकालीन आरक्षण लढ्याला नवी दिशा मिळाल्याचं मानलं जात आहे. मनोज जरांगे यांनीही सरकारच्या भूमिकेचं स्वागत केलं असून, या मागण्यांची अंमलबजावणी लवकरात लवकर व्हावी, अशी अपेक्षा व्यक्त केली आहे.

👉 मराठा समाजाच्या आरक्षण चळवळीत हा टप्पा ऐतिहासिक ठरण्याची चिन्हं स्पष्टपणे दिसत आहेत.