"🚘मोठा धडाका! टाटाच्या गाड्या झाल्या लाखोंनी स्वस्त – नेक्सॉन, सफारी, हॅरियरवर भारी सूट"

महाराष्ट्र वाणी विशेष 

दिनांक ६ :-     देशातील अग्रगण्य वाहन निर्माता टाटा मोटर्सने ग्राहकांना दिलासा देणारा महत्त्वपूर्ण निर्णय घेतला आहे. कंपनीने प्रवासी वाहनांच्या किमतीत तब्बल ६५,००० रुपये ते १.५५ लाख रुपयांपर्यंतची कपात जाहीर केली आहे. ही कपात २२ सप्टेंबर २०२५ पासून लागू होणार असून, जीएसटी कपातीचा लाभ थेट ग्राहकांपर्यंत पोहोचवण्याचे धोरण कंपनीने अवलंबले आहे.

लहान प्रवासी वाहनांमध्ये टियागो ७५,०००, टिगोर ८०,००० आणि अल्ट्रोज १.१० लाख रुपयांनी स्वस्त होणार आहेत. कॉम्पॅक्ट एसयूव्हीमध्ये पंचच्या किमतीत ८५,००० आणि नेक्सॉनमध्ये तब्बल १.५५ लाख रुपयांची कपात केली आहे. मध्यम आकाराच्या कर्व्ह मॉडेलची किंमत ६५,००० रुपयांनी कमी होईल. तर प्रीमियम एसयूव्ही हॅरियर आणि सफारी अनुक्रमे १.४ लाख आणि १.४५ लाख रुपयांनी स्वस्त होतील.

टाटा मोटर्स प्रवासी वाहन विभागाचे व्यवस्थापकीय संचालक शैलेश चंद्रा यांनी सांगितले की, "पंतप्रधान नरेंद्र मोदी यांच्या ‘ग्राहक प्रथम’ या दृष्टीकोनानुसार जीएसटी कपातीचा संपूर्ण फायदा ग्राहकांना देण्याचा निर्णय घेतला आहे. हा पाऊल वाहन उद्योगासाठी गती देणारा असून लाखो भारतीयांचे स्वतःचे वाहन घेण्याचे स्वप्न साकार होईल."

दरम्यान, टाटाने दरकपातीची घोषणा केल्यानंतर आता इतर वाहन कंपन्यांकडूनही अशाच सवलतींची अपेक्षा ग्राहक व्यक्त करत आहेत.

❓ किती स्वस्त होणार कोणते वाहन?

वाहन कपात (₹) नवीन किंमत (₹)

टाटा टियागो ७५,००० ४,९९,९९०

टाटा टिगोर ८०,००० ५,९९,९९०

टाटा अल्ट्रोज १.१० लाख ६,८९,०००

टाटा पंच ८५,००० ६,१९,९९०

टाटा नेक्सॉन १.५५ लाख ७,९९,९९०

टाटा कर्व्ह ६५,००० ९,९९,९९०

टाटा हॅरियर १.४ लाख १४,९९,९९०

टाटा सफारी १.४५ लाख १५,४९,९९०

 नवरात्रीच्या मुहूर्तावर टाटाची ही किंमतकपात वाहन खरेदीदारांसाठी मोठी संधी ठरणार आहे.

"टाटाची मोठी घोषणा! २२ सप्टेंबरपासून प्रवासी वाहनांच्या किमतीत १.५५ लाखांपर्यंत कपात"