विधानपरिषद रणधुमाळीचा निकाल स्पष्ट; भाजपचे वर्चस्व, शिंदे सेना-राष्ट्रवादीचीही ताकद कायम

महाराष्ट्र वाणी

मुंबई (प्रतिनिधी) दि २२ :- राज्यातील विधानपरिषद निवडणुकीचे निकाल जाहीर झाले असून विविध स्थानिक स्वराज्य संस्था मतदारसंघांमध्ये अनेक दिग्गज उमेदवारांनी विजय मिळवत राजकीय समीकरणे नव्याने अधोरेखित केली आहेत. या निवडणुकीत भाजपने सर्वाधिक प्रभाव दाखवत अनेक महत्त्वाच्या जागांवर बाजी मारली, तर शिवसेना (शिंदे गट), राष्ट्रवादी काँग्रेस (अजित पवार गट) तसेच काही अपक्ष उमेदवारांनीही आपले अस्तित्व ठळकपणे दाखवून दिले.

नाशिक मतदारसंघातून अपक्ष उमेदवार गोकुळ गिते यांनी विजय मिळवत सर्वांचे लक्ष वेधून घेतले. सांगली-सातारा मतदारसंघात भाजपचे धैर्यशील कदम विजयी झाले. वर्धा–गडचिरोली–चंद्रपूर मतदारसंघातून भाजपचे अरुण लखाणी यांनी विजयाची नोंद केली.

ठाणे मतदारसंघातून शिवसेना (शिंदे) चे रवींद्र फाटक विजयी झाले, तर रायगड–रत्नागिरी–सिंधुदुर्ग मतदारसंघात राष्ट्रवादी काँग्रेस (अजित पवार गट) चे अनिकेत तटकरे यांनी बाजी मारली. पुण्यात विक्रम काकडे आणि अहिल्यानगरमध्ये प्राजक्त तनपुरे यांनी विजय मिळवत राष्ट्रवादीची ताकद कायम राखली.

नांदेडमध्ये अमर राजूरकर, भंडारा-गोंदिया मतदारसंघात डॉ. राजीव पोतदार, छत्रपती संभाजीनगर-जालना मतदारसंघात सुहास शिरसाठ आणि परभणी-हिंगोली मतदारसंघात सईद खान यांनी विजय संपादन केला.

जळगावमध्ये नंदकिशोर महाजन, सोलापूरमध्ये राजेंद्र राऊत, धाराशिव-लातूर-बीड मतदारसंघात बसवराज पाटील, अमरावतीत प्रवीण पोटे आणि यवतमाळमध्ये दुष्यंत चतुर्वेदी यांनीही विजयाचा झेंडा फडकावला.

या निकालांमुळे राज्यातील आगामी राजकीय घडामोडींना वेग येण्याची शक्यता व्यक्त केली जात आहे. विशेषतः भाजपने बहुतेक मतदारसंघांमध्ये मजबूत कामगिरी करत आपली संघटनात्मक ताकद पुन्हा एकदा सिद्ध केली आहे.

विजयी उमेदवारामधे सहा उमेदवार बिनविरोध निवडून आलेले आहेत.

विजयी उमेदवारांची यादी:

• नाशिक – गोकुळ गिते (अपक्ष)

• सांगली-सातारा – धैर्यशील कदम (भाजप)

• वर्धा-गडचिरोली-चंद्रपूर – अरुण लखाणी (भाजप)

• ठाणे – रवींद्र फाटक (शिवसेना-शिंदे)

• रायगड-रत्नागिरी-सिंधुदुर्ग – अनिकेत तटकरे (राष्ट्रवादी-अजित पवार)

• पुणे – विक्रम काकडे (राष्ट्रवादी-अजित पवार)

• अहिल्यानगर – प्राजक्त तनपुरे (भाजप)

• नांदेड – अमर राजूरकर (भाजप)

• भंडारा-गोंदिया – डॉ. राजीव पोतदार (भाजप)

• छ. संभाजीनगर-जालना – सुहास शिरसाठ (भाजप)

• परभणी-हिंगोली – सईद खान (भाजप)

• जळगाव – नंदकिशोर महाजन (शिवसेना-शिंदे)

• सोलापूर – राजेंद्र राऊत (भाजप)

• धाराशिव-लातूर-बीड – बसवराज पाटील (भाजप)

• अमरावती – प्रवीण पोटे (भाजप)

• यवतमाळ – दुष्यंत चतुर्वेदी (शिवसेना)

वाचत राहा ‘महाराष्ट्र वाणी’ – राजकारणातील प्रत्येक मोठ्या घडामोडीचा सर्वात वेगवान अपडेट!