🟣‘लाडकी बहीण’ योजनेत मोठा बदल! लाखो महिलांचा ₹१५०० चा हप्ता थांबणार — जाणून घ्या कारण!

महाराष्ट्र वाणी न्युज 

Ladki Bahin Yojana Update : राज्यातील अनेक महिलांना दर महिन्याला १५०० रुपयांचा लाभ देणाऱ्या ‘लाडकी बहीण’ योजनेबाबत महत्त्वाची माहिती समोर आली आहे. ऑक्टोबर महिन्याचा हप्ता महिलांच्या खात्यात जमा झाला असला तरी, आता काही महिलांना नोव्हेंबरपासून हा लाभ मिळणार नाही. कारण सरकारकडून अर्जांची सखोल पडताळणी करण्यात आली असून अनेक अनियमितता उघड झाल्या आहेत.

👉 या महिलांना मिळणार नाही हप्ता!

राज्य सरकारने या योजनेअंतर्गत पात्रता निकषांचे उल्लंघन करून लाभ घेणाऱ्या महिलांची यादी तयार केली आहे. तपासात काही महिला सरकारी सेवेत असल्याचं, तर काहींनी खोटे पत्ते किंवा चुकीची माहिती दिल्याचं आढळलं आहे. इतकंच नाही, तर काही प्रकरणांमध्ये पुरुषांनीही महिलांच्या नावावरून लाभ घेतल्याचे उघड झाले आहे. त्यामुळे अशा सर्व अर्जदार महिलांचे अर्ज बाद करण्यात आले असून त्यांना यापुढे ₹१५०० चा हप्ता मिळणार नाही.

अधिकृत माहितीनुसार, सुमारे २६ लाख महिलांचे अर्ज बाद करण्याची प्रक्रिया सुरू आहे. अंगणवाडी सेविकांमार्फत घराघरात जाऊन पडताळणी करण्यात आली असून, ज्या महिलांकडे चारचाकी वाहन आहे किंवा एका कुटुंबातील दोनपेक्षा अधिक महिलांनी योजना घेतली आहे, त्यांचाही लाभ बंद करण्यात आला आहे.

राज्य सरकारचा उद्देश या योजनेचा लाभ केवळ पात्र व खर्‍या लाभार्थ्यांपर्यंतच पोहोचवण्याचा आहे. त्यामुळे पुढील हप्त्यांमध्ये पात्र महिलांनाच रक्कम जमा होणार आहे.

थोडक्यात सांगायचं तर – नियमभंग करणाऱ्या महिलांना ‘लाडकी बहीण’चा लाभ आता थेट बंद होणार आहे!