“नवा CNAP सिस्टम! आता अनोळखी कॉलवर दिसणार खरं नाव”

महाराष्ट्र वाणी

नवी दिल्ली दि २६ :- भारतीय दूरसंचार क्षेत्रात मोठा बदल घडवणारी Calling Name Presentation (CNAP) सिस्टिम सरकार लवकरच देशभरात लागू करणार आहे. सध्या या सुविधेची चाचणी अंतिम टप्प्यात असून सुरूवातीला निवडक क्षेत्रांतून तिचा प्रारंभ होण्याची शक्यता आहे. या सिस्टिममुळे अनोळखी नंबरवरून येणाऱ्या कॉलची खरी ओळख थेट मोबाइल स्क्रीनवर दिसणार असल्याने युजर्सचा कॉलिंग अनुभव अधिक सुरक्षित व सुलभ होणार आहे.

🔵 Truecaller सारखी सुविधा, पण थेट सरकारकडून प्रमाणित

सध्या अनोळखी कॉलची माहिती मिळवण्यासाठी बहुतेक जण Truecaller सारख्या तृतीय-पक्षीय अॅप्सचा वापर करतात. मात्र, CNAP ही सुविधा पूर्णपणे सरकारी मान्यता व टेलिकॉम नेटवर्कशी थेट जोडलेली असेल, ही यंत्रणा इतर अॅप्सपेक्षा अधिक विश्वसनीय ठरणार आहे.

CNAP सुरू झाल्यानंतर कोणत्याही अनोळखी नंबरवरून कॉल आल्यास त्या नंबरसोबत जोडलेले टेलिकॉम कंपनीचे अधिकृत व रजिस्ट्रेशनवेळी दिलेले नाव कॉल उचलण्यापूर्वीच स्क्रीनवर दिसेल.

🔵 CNAP म्हणजे नेमकं काय?

– आतापर्यंत फोनवर अनोळखी कॉल आल्यास फक्त नंबरच झळकत असे.

– Truecaller सारख्या अॅप्सद्वारे लोकं त्या नंबरची माहिती शोधत.

– परंतु CNAP लागू झाल्यानंतर ही माहिती थेट नेटवर्कवरून मिळेल.

यामुळे कॉल करणाऱ्याचे नाव पूर्ण खात्रीशीर आणि कागदपत्रांवर आधारित असेल—म्हणजेच SIM खरेदी करताना दिलेल्या कागदपत्रातील नावच तुमच्या स्क्रीनवर दिसणार आहे.

🔵 चाचणीदरम्यान झालेली रंजक बाब

चाचणी काळात काही युजर्सना अनोळखी नंबरसाठी दोन वेगवेगळी नावं दिसल्याचे उदाहरण समोर आले होते.

पहिलं नाव—नेटवर्कवर नोंदणीकृत अधिकृत नाव

दुसरं नाव—युजरच्या फोनबुकमध्ये सेव्ह केलेले नाव

या दोन नावांमुळे क्षणभर गोंधळ निर्माण झाल्याची तक्रार काहीकडून करण्यात आली होती. मात्र, ही समस्या सुधारण्यात येत असल्याची माहिती समोर आली आहे.

 या सिस्टिममुळे कसा फायदा?

स्पॅम, फ्रॉड आणि अनोळखी कॉलची तुमच्याकडे लगेच ओळख

सरकारी नोंदींवर आधारित विश्वासार्ह माहिती

तृतीय-पक्षीय अॅप्सवरील अवलंबन कमी

मोबाइल सुरक्षा आणि गोपनीयता अधिक मजबूत

सरकारकडून CNAP प्रणालीबाबतचे अंतिम निर्देश लवकरच जाहीर होणार असून, ही सेवा देशातील सर्व टेलिकॉम कंपन्यांना लागू करणे बंधनकारक होऊ शकते.