“WhatsApp- Telegram युजर्स सावधान! केंद्र सरकारचा 2025 साठी मोठा नियम लागू!”
Maharashtra Vaani 
महाराष्ट्र वाणी
नवी दिल्ली दि ३० :- लोकप्रिय मेसेजिंग ॲप्स वापरणाऱ्या लाखो लोकांसाठी केंद्र सरकारकडून एक मोठा निर्णय समोर आला आहे. व्हॉट्सॲप, टेलिग्राम, सिग्नल आणि स्नॅपचॅटसह सर्व प्रमुख ॲप्सवर आता नवीन आणि कडक नियम लागू करण्यात आले आहेत. हे नियम दूरसंचार विभागाने (DoT) जारी केलेल्या टेलिकम्युनिकेशन सायबरसुरक्षा सुधारणा नियम 2025 अंतर्गत आले आहेत.
🔹Active SIM शिवाय ॲप वापरता येणार नाही
नवीन नियमांनुसार, मेसेजिंग किंवा सोशल ॲप वापरणाऱ्या प्रत्येक युजरचे सिम कार्ड ९० दिवस सतत सक्रिय असेल याची खात्री ॲप कंपन्यांना करावी लागणार आहे.
सिम कार्ड काढून टाकले, निष्क्रिय झाले किंवा डिव्हाइसशी जोडलेले नसेल—तर त्या ॲपमध्ये प्रवेश मिळणार नाही.
🔹वेब युजर्ससाठी अधिक कडक नियम
वेब ब्राउझरवर WhatsApp/Telegram वापरणाऱ्यांसाठी सरकारने अतिरिक्त सुरक्षा आणली आहे.
वेबवर लॉगिन करताच युजर आपोआप लॉग आउट होईल आणि पुन्हा प्रवेशासाठी QR कोड स्कॅन करावा लागणार आहे.
🔹नियम का आणले?
DoT चा दावा आहे की हे नियम गुन्हेगारी कारवाया कमी करण्यासाठी आणि वापरकर्त्यांची ओळख पडताळण्याची प्रक्रिया मजबूत करण्यासाठी आवश्यक आहेत.
सध्या सिम कार्ड निष्क्रिय झाल्यानंतरही अनेक ॲप्स चालू राहतात—यामुळे सुरक्षा पळवाटा तयार होतात.
नवीन धोरणामुळे प्रत्येक सत्रात सक्रिय सिमची अचूक पडताळणी होईल.
