“न समजलेले आई-बाप” — नात्यांमधील गैरसमज मिटवणारा संवादात्मक उपक्रम!

महाराष्ट्र वाणी 🗞️

छत्रपती संभाजीनगर(औरंगाबाद) दि ३ : आजची पिढी तंत्रज्ञानाने ‘स्मार्ट’ असली, तरी नाती समजून घेणं हेच खरं ज्ञान आहे, असा संदेश देणारा एक वेगळा उपक्रम शहरात राबवला जाणार आहे. “न समजलेले आई-बाप” या विषयावर आधारित खुलं व्याख्यान गुरुवार, ६ नोव्हेंबर रोजी स्व. गोपीनाथराव मुंडे सभागृह, चौका येथे सकाळी ९ वाजता आयोजित करण्यात आलं आहे.

या व्याख्यानाचा उद्देश पालक आणि मुलांमधील संवाद वाढवून परस्परातील गैरसमज दूर करणे, तसेच नात्यांमध्ये समजुतीचा ‘सॉफ्ट बदलाव’ घडवणे हा आहे. आई-बाप म्हणजे केवळ घर चालवणारे नव्हे, तर आपल्या आयुष्याचा पाया आहेत; त्यांच्या विचारांमधील अनुभव समजून घेणं हे प्रत्येक तरुणाने शिकण्यासारखं आहे, असा भाव या उपक्रमातून व्यक्त होणार आहे.

हा संवादमय उपक्रम राष्ट्रवादी काँग्रेस अजीत पवार गटाचे शहर जिल्हाध्यक्ष अभिजीत भय्या देशमुख यांच्या संकल्पनेतून आयोजित करण्यात आला असून, तरुणाई आणि पालक वर्गाने या व्याख्यानात सहभागी व्हावं, असं आवाहन करण्यात आलं आहे.

🩷 चला — ऐकूया, शिकूया आणि नात्यांमध्ये नव्या समजुतीचं बी पेरूया!