शहरातील दबंग पत्रकारांचा ‘गल्ली से दिल्ली न्यूज’ तर्फे सन्मान

महाराष्ट्र वाणी न्युज 

छत्रपती संभाजीनगर(औरंगाबाद) दि १७ :- सुभेदारी गेस्ट हाऊस येथे ‘गल्ली से दिल्ली न्यूज’ तर्फे शहरातील प्रामाणिक व निर्भिड पत्रकारांचा सन्मान करण्यात आला. या प्रसंगी पत्रकार शेख मुख्तार, रियाजऊर रहेमान अन्सारी, शाहाब यासीन व अझमत पठाण यांना शाल, श्रीफळ, प्रमाणपत्र व मोमेंटो देऊन गौरविण्यात आले.

सन्मान वितरण ‘गल्ली से दिल्ली न्यूज’चे अब्दुल रहीम खान, साजिद पटेल व ज्येष्ठ पत्रकार रियाजोद्दीन देशमुख यांच्या हस्ते पार पडले.

मनोगत व्यक्त करताना पत्रकार अब्दुल कय्यूम म्हणाले, “पत्रकारिता ही समाजाचा आरसा आहे. सन्मानित पत्रकार हे खरेच दबंग पत्रकार असून त्यांनी निर्भिड व निपक्ष पत्रकारिता करून लोकांचा विश्वास संपादन केला आहे.”

तसेच साजिद पटेल व अब्दुल रहीम खान यांनीही आपल्या भाषणात पत्रकारांच्या कार्याचे कौतुक करत, “पत्रकार समाजातील खरी परिस्थिती जनतेपर्यंत पोहोचवतात. त्यांचे योगदान मोठे असून अशा पत्रकारांचा सन्मान करणे ही अभिमानाची बाब आहे,” असे मत व्यक्त केले.

सन्मानित पत्रकारांनी आयोजकांचे आभार मानून पुढेही समाजहितासाठी प्रामाणिकपणे कार्य करत राहण्याचा निर्धार व्यक्त केला.

या वेळी प्रेस फोटोग्राफर अनिस रामपूरे, रिझवान अहमद, शेख जलील, बोर्डे, फिरोज खान, निकाळजे आदी मान्यवर उपस्थित होते.

 “दबंग पत्रकारांचा सन्मान म्हणजे सत्यासाठीच्या लढ्याला दिलेला सलाम.”