फास्टॅग नियम कडक! उद्यापासून टोल भरण्याचा नवा फॉर्म्युला लागू; रोख दिल्यास द्यावे लागणार दुप्पट पैसे!

महाराष्ट्र वाणी विशेष 

दि १४ :- महामार्ग वापरणाऱ्यांसाठी मोठी अपडेट आली आहे. १५ नोव्हेंबरपासून टोल भरण्याच्या नियमांमध्ये मोठा बदल लागू होत असून फास्टॅग, डिजिटल पेमेंट आणि रोख व्यवहारासाठी नवे दर निश्चित करण्यात आले आहेत. राष्ट्रीय महामार्ग शुल्क नियम, २००८ मध्ये केलेल्या सुधारणेनंतर हा बदल उद्यापासून देशभर लागू होणार आहे.

नव्या नियमांनुसार फास्टॅग नसलेल्या वाहनांना आता सामान्य टोलपेक्षा २५% अधिक रक्कम भरावी लागेल. तर रोख रक्कम देणाऱ्या वाहनचालकांना थेट दुप्पट पैसे मोजावे लागणार आहेत. त्यामुळे रोख देणे हा सर्वात महागडा पर्याय ठरणार आहे.

टोल प्लाझावर पुढील ३ पद्धतीने पेमेंट करता येणार आहे—

1️⃣ फास्टॅग पेमेंट – फास्टॅग सक्रिय व व्यवस्थित असल्यास केवळ नियमित टोल (उदा. 100 रुपये) वसूल केला जाईल.

2️⃣ यूपीआय / डिजिटल पेमेंट – फास्टॅग फेल झाल्यास Google Pay, PhonePe, Paytm सारख्या UPI प्लॅटफॉर्मवरून टोल भरता येईल. या पद्धतीत टोलच्या 1.25 पट रक्कम आकारली जाईल.

3️⃣ रोख पेमेंट – रोखीने टोल भरल्यास दुप्पट पैसे आकारले जातील.

उदाहरणाद्वारे समजून घ्या :

टोल आहे — ₹100

फास्टॅग नीट काम करत असेल — ₹100

फास्टॅग फेल + UPI पेमेंट — ₹125

फास्टॅग फेल + रोख पेमेंट — ₹200

म्हणजे आता डिजिटल पेमेंटला प्राधान्य देणाऱ्यांना थोडा फायदा, पण रोख पैसे देणाऱ्यांना मोठा तोटा होणार आहे.

“उद्यापासून महामार्गावर जाणार असाल, तर फास्टॅग तपासायलाच विसरू नका – नाहीतर खिसा रिकामा निश्चित!”