💧 फर्दापूर सर्कलच्या विकासाला गती! मंत्रालयात उच्चस्तरीय बैठक; पाणी, वीज व आरोग्य प्रश्न तत्काळ सोडवण्याचे आदेश

महाराष्ट्र वाणी

मुंबई ( वा.) :- फर्दापूर जिल्हा परिषद सर्कलमधील पाणीपुरवठा, वीज वितरण व आरोग्य सुविधांच्या विकासासाठी आज मंत्रालयात महत्त्वपूर्ण बैठक पार पडली. पाणीपुरवठा, ऊर्जा व आरोग्य राज्यमंत्री मा. ना. मेघनाताई बोर्डीकर यांच्या प्रमुख उपस्थितीत ही बैठक संपन्न झाली.

या बैठकीत फर्दापूर गावातील पाणीपुरवठ्याच्या समस्या, सर्कलमधील वीज वितरण कंपनीची कामे तसेच आरोग्य उपकेंद्रांच्या इमारतींच्या प्रलंबित बाबींवर सविस्तर चर्चा करण्यात आली. संबंधित सर्व प्रश्न तात्काळ मार्गी लावावेत, असे स्पष्ट निर्देश राज्यमंत्री बोर्डीकर यांनी अधिकाऱ्यांना दिले.

बैठकीस पाणीपुरवठा व वीज वितरण विभागाचे सचिव, मुख्य अभियंते, जिल्हा परिषद सीईओ तसेच विविध विभागांचे अधिकारी उपस्थित होते. याशिवाय भाजपा अल्पसंख्यांक मोर्चाचे प्रदेशाध्यक्ष इद्रिसजी मुलतानी, पंचायत समिती सभापती उत्तम चव्हाण, सदस्य राहुल राठोड, माजी सभापती जयप्रकाश चव्हाण यांच्यासह फर्दापूर गावातील पदाधिकारी मोठ्या संख्येने उपस्थित होते.

फर्दापूर सर्कलच्या सर्वांगीण विकासासाठी घेतलेल्या या बैठकीमुळे स्थानिक पातळीवरील मूलभूत प्रश्न लवकरच मार्गी लागतील, अशी अपेक्षा व्यक्त केली जात आहे.

 “विकासाच्या वाटेवर फर्दापूर – आता प्रश्न नाही, उपाय दिसणार!”