🟢 जि.प. सदस्य अब्दुल आमेर यांच्याकडून रेलगाव येथील सपकाळ कुटुंबाला ५० हजारांची मदत

✍️ महाराष्ट्र वाणी

अंभई (वा.) दि. १२ : रेलगाव (ता. सिल्लोड) येथील भागवत हरिदास सपकाळ यांचे काही दिवसांपूर्वी दुःखद निधन झाले. त्यांच्या अकाली जाण्यामुळे कुटुंबावर दुःखाचा डोंगर कोसळला असून घरातील कर्ता व्यक्ती गमावल्याने परिवारास अनेक अडचणींचा सामना करावा लागत आहे. विशेषतः लहान मुलाच्या संगोपनाची जबाबदारी अधिक कठीण बनली आहे.

या पार्श्वभूमीवर, दिनांक ११ रोजी अंभई सर्कलच्या दौऱ्यावर असताना अंभई गटातील जिल्हा परिषद सदस्य अब्दुल आमेर अब्दुल सत्तार यांनी रेलगाव येथे मयत भागवत सपकाळ यांच्या निवासस्थानी सांत्वन भेट दिली. तसेच शोकाकुल सपकाळ कुटुंबीयांना दिलासा देण्यासाठी आमदार मा. अब्दुल सत्तार साहेब मित्र मंडळाच्या वतीने ५०,००० रुपयांची आर्थिक मदत प्रदान करण्यात आली. या मदतीमुळे कुटुंबाला या कठीण काळात काहीसा आधार मिळावा, हीच भावना यामागे असल्याचे त्यांनी सांगितले.

यावेळी कुटुंबीयांशी संवाद साधत त्यांना धीर देण्यात आला तसेच त्यांच्या अडचणी सोडवण्यासाठी पुढील काळातही आवश्यक ती मदत करण्याचे आश्वासन देण्यात आले.

या प्रसंगी कृउबा समितीचे संचालक दामूअण्णा गव्हाणे, सिल्लोड येथील शिवसेना नगरसेवक विशाल जाधव, प्यारेलाल जैस्वाल, सरपंच पंकज जैस्वाल, पद्माकर जगताप आदी उपस्थित होते.

👉 संकटाच्या काळात मिळालेला हा आधार सपकाळ कुटुंबासाठी नवी उभारी ठरावी, हीच अपेक्षा.