🎓 IHM-A औरंगाबाद पदवीदान समारंभ २०२५ Hotel Gateway मध्ये थाटात पार पडला सोहळा; १४० पदवीधरांचा गौरव!

महाराष्ट्र वाणी न्युज 

छत्रपती संभाजीनगर(औरंगाबाद), दि. २३ :– इन्स्टिट्यूट ऑफ हॉटेल मॅनेजमेंट, औरंगाबाद (IHM-A) च्या २०२४ च्या बॅचचा पदवीदान समारंभ रविवार, २३ जून रोजी Hotel Gateway, औरंगाबाद येथे उत्साहात पार पडला. या समारंभात हॉटेल मॅनेजमेंट आणि कलिनरी मॅनेजमेंट या दोन अभ्यासक्रमांतील एकूण १४० विद्यार्थ्यांना पदवी प्रदान करण्यात आली.

समारंभाला इंडियन हॉटेल्स कंपनी लिमिटेडचे एम.डी. आणि सी.ई.ओ. श्री. पुनीत छटवाल यांनी ऑनलाईन माध्यमातून पदवीधरांना शुभेच्छा दिल्या. मौलाना आझाद एज्युकेशनल ट्रस्टचे अध्यक्ष श्री. फरहत जमाल आणि युनिव्हर्सिटी ऑफ हडर्सफील्ड (यू.के.) चे प्रोफेसर वेन बेली प्रमुख पाहुणे म्हणून उपस्थित होते. त्यांनी विद्यार्थ्यांना प्रेरणादायी संदेश दिले व पदव्या प्रदान केल्या.

या समारंभात अनेक गुणवंत विद्यार्थ्यांना विशेष पुरस्कारांनी गौरविण्यात आले. डॉ. रफिक झकेरिया शैक्षणिक उत्कृष्टता पुरस्कार दिव्य नागेवाला (हॉटेल मॅनेजमेंट) आणि तबिता चेरियन (कलिनरी मॅनेजमेंट) यांना प्राप्त झाला. तसेच (सौ.) फातमा रफिक झकेरिया अष्टपैलू महिला विद्यार्थी पुरस्कार पद्मा पर्वता वर्धिनी गोकुळकण्णा व खारमिन पिठावाला यांना देण्यात आला.

प्रथम क्रमांक:

पद्मा पर्वता वर्धिनी गोकुळकण्णा (हॉटेल मॅनेजमेंट)

तबिता चेरियन (कलिनरी मॅनेजमेंट)

द्वितीय क्रमांक:

आशना इब्राहिम व दिव्य नागेवाला (हॉटेल मॅनेजमेंट)

खारमिन पिठावाला (कलिनरी मॅनेजमेंट)

त्रितिय क्रमांक:

उत्सव खत्री व सिद्धांत मेहुल शाह (हॉटेल मॅनेजमेंट)

निखिल कांदळकर (कलिनरी मॅनेजमेंट)

या प्रसंगी IHM-A चे प्राचार्य डॉ. आनंद अय्यंगार यांनी संस्थेच्या प्रगतीचा आढावा सादर केला. श्री. रुशाद कविना यांनी पदवीधरांची ओळख करून दिली. कार्यक्रमाचे सूत्रसंचालन श्रीमती स्मिता परमार यांनी केले तर श्री. राकेश कात्यायनी यांनी उपस्थितांचे आभार मानले.

विद्यार्थ्यांच्या कर्तृत्वाचा गौरव करताना पालक, प्राध्यापक आणि स्थानिक मान्यवरांनी समारंभाला उपस्थित राहून टाळ्यांच्या गजरात विद्यार्थ्यांचे अभिनंदन केले. संस्थेच्या सर्व शिक्षक व कर्मचाऱ्यांच्या सहकार्यामुळे हा समारंभ अत्यंत यशस्वी ठरला.