21 वर्षांत 24 बदल्या! ‘ट्रान्सफर एक्सप्रेस’ ठरले IAS तुकाराम मुंढे – पुन्हा एकदा बदली

महाराष्ट्र वाणी

छत्रपती संभाजीनगर(औरंगाबाद) दि ३१ :- राज्य प्रशासनात कडक, पारदर्शक आणि निर्णयक्षम अधिकारी म्हणून ओळख असलेले IAS अधिकारी तुकाराम मुंढे पुन्हा एकदा बदलीच्या चर्चेत आले आहेत. त्यांच्या 21 वर्षांच्या कारकिर्दीत तब्बल 24 वेळा बदली झाल्याने प्रशासनातील ‘ट्रान्सफर पॉलिटिक्स’ पुन्हा ऐरणीवर आली आहे.

मुंढे यांच्या प्रत्येक नियुक्तीत त्यांनी कडक निर्णय घेतल्याने अनेकदा वाद निर्माण झाले, तर दुसरीकडे त्यांच्या कामाच्या पद्धतीचे कौतुकही झाले. मात्र वारंवार होणाऱ्या बदल्यांमुळे सातत्यपूर्ण कामावर परिणाम होत असल्याची चर्चा प्रशासन व जनतेत रंगली आहे.

 तुकाराम मुंढे यांच्या प्रमुख बदल्या – एक नजर

ऑगस्ट 2005 – प्रशिक्षणार्थी उपजिल्हाधिकारी, सोलापूर

सप्टेंबर 2007 – उपजिल्हाधिकारी, देगलूर

जानेवारी 2008 – CEO, जिल्हा परिषद नागपूर

मार्च 2009 – आयुक्त, आदिवासी विभाग

जुलै 2009 – CEO, वाशिम

जून 2010 – CEO, कल्याण

जून 2011 – जिल्हाधिकारी, जालना

सप्टेंबर 2012 – विक्रीकर सहआयुक्त, मुंबई

नोव्हेंबर 2014 – जिल्हाधिकारी, सोलापूर

मे 2016 – आयुक्त, नवी मुंबई महापालिका

मार्च 2017 – CEO, PMPL पुणे

फेब्रुवारी 2018 – आयुक्त, नाशिक महापालिका

नोव्हेंबर 2018 – सहसचिव, नियोजन

डिसेंबर 2018 – प्रकल्प अधिकारी, एड्स नियंत्रण

जानेवारी 2020 – आयुक्त, नागपूर महापालिका

ऑगस्ट 2020 – सदस्य सचिव, MHADA

जानेवारी 2021 – राष्ट्रीय मानवाधिकार आयोग

सप्टेंबर 2022 – आरोग्य सेवा संचालक

एप्रिल 2023 – सचिव, पशुसंवर्धन व दुग्धविकास

जून 2023 – सचिव, मराठी भाषा विभाग

जुलै 2023 – सचिव, कृषी विभाग

जून 2024 – आयुक्त, कामगार विभाग

ऑगस्ट 2025 – दिव्यांग कल्याण मंत्रालय

⚡ कडक शैली की ‘सिस्टम’शी संघर्ष?

मुंढे हे जिथे गेले तिथे त्यांनी भ्रष्टाचाराविरोधात मोहीम राबवली, नियमांचे काटेकोर पालन केले. त्यामुळे अनेकदा राजकीय व प्रशासकीय दबाव निर्माण झाल्याची चर्चा होते.

काही जणांच्या मते, “त्यांची कार्यशैली हीच त्यांच्या वारंवार बदल्यांचे कारण ठरते,” तर समर्थक म्हणतात, “प्रामाणिक अधिकाऱ्याला सिस्टीम टिकू देत नाही.”

🧭 प्रशासनासाठी मोठा प्रश्न

एखाद्या अधिकाऱ्याच्या इतक्या वारंवार बदल्या होणे हे केवळ वैयक्तिक नसून, संपूर्ण प्रशासनाच्या कार्यक्षमतेवर प्रश्नचिन्ह निर्माण करणारे आहे.

“प्रामाणिकपणा टिकवणाऱ्या अधिकाऱ्याची बदली होते, पण त्याची ओळख मात्र बदलत नाही!”