ईद-ए-मिलादुन्नबी निमित्त पटेल परिवाराचा समाजोपयोगी उपक्रम – फेकरी गावात मस्जिद व अरबी मदरशासाठी २ हजार स्क्वे.फुट जागा वक्फ

महाराष्ट्र वाणी न्युज 

जळगाव दि ६ :- भुसावळ तालुक्यातील फेकरी गावात ईद-ए-मिलादुन्नबीच्या मुबारक दिनानिमित्त पटेल–देशमुख–देशपांडे बिरादरीचे अध्यक्ष हाजी अब्दुल वाहिद पटेल उर्फ राजू पटेल यांनी आपल्या स्व. पत्नी हज्जन सायरा बी पटेल आणि स्व. पुत्र जाहिद पटेल यांच्या ईसाले सवाबासाठी तब्बल २ हजार स्क्वे.फुट जागा मस्जिद व अरबी मदरशासाठी वक्फ केली. या उपक्रमात त्यांचे पुत्र शाहिद पटेल (वक्फ कॉर्डिनेशन कमिटी सदस्य, जळगाव) यांचे विशेष योगदान राहिले.

या प्रसंगी मस्जिद व मदरशाचे उद्घाटन इकरा एज्युकेशन सोसायटीचे अध्यक्ष डॉ. अब्दुल करीम सालार यांच्या हस्ते संपन्न झाले.

कार्यक्रमास जलगाव ईदगाह ट्रस्टचे महासचिव अब्दुल अजीज सालार, माजी विरोधी पक्षनेते नगरसेवक इब्राहिम पटेल, हाजी शकील पटेल, उद्योजक हाजी रईस पटेल, हाजी मुन्ना तेली, आशिक तेली, काँग्रेसचे अमजद पठान, सुन्नी जमातचे रियाज अली, बागवान जमातचे अध्यक्ष खालिद बाबा बागवान, समाजवादी नेते रईस कुरेशी, मुस्लिम सेवा संघाचे शाकूर देशपांडे, जी एम फाउंडेशनचे सईद पटेल, तसेच इरफान सालार, साबिर मनियार, गुड्डू पटेल, जयान पटेल, शादाब बागवान यांसह अनेक सामाजिक व राजकीय मान्यवर उपस्थित होते.

या वेळी मस्जिदच्या तामीरीसाठी ३ लाख रुपयांची मदत जाहीर करण्यात आली. तसेच उद्योजक हाजी मुन्ना तेली यांनी बांधकामासाठी लागणारी संपूर्ण खडी देण्याचे जाहीर केले.

✨ समाजकार्याचा हा उपक्रम ईद-ए-मिलादुन्नबीच्या निमित्ताने फेकरी गावासाठी आदर्श ठरला आहे.