🌾 शेतकऱ्यांना न्याय मिळेपर्यंत रस्त्यावरची लढाई सुरूच – रोहित पवार; भोकरदनमध्ये राष्ट्रवादी शरद पवार गटाचा भव्य शेतकरी मोर्चा

महाराष्ट्र वाणी न्युज 

भोकरदन (जि. जालना) दि ६ :– शेतकऱ्यांची संपूर्ण कर्जमाफी करावी, ओला दुष्काळ जाहीर करावा, अवैध धंद्यांना आळा घालावा आणि अतिवृष्टीमुळे झालेल्या नुकसानीची भरीव मदत मिळावी यांसह विविध मागण्यांसाठी राष्ट्रवादी काँग्रेस पार्टी (शरदचंद्र पवार पक्ष) च्या वतीने आज भोकरदन येथे भव्य शेतकरी मोर्चाचे आयोजन करण्यात आले.

या मोर्चात आमदार रोहित पवार यांनी सहभागी होऊन शेतकऱ्यांना मार्गदर्शन केले. यावेळी प्रदेशाध्यक्ष आ. शशिकांत शिंदे, राजेश टोपे, खा. निलेश लंके, खा. कल्याणराव काळे, आ. चंद्रकांत दानवे, आ. संजय वाकचौरे, युवक प्रदेशाध्यक्ष महेबुब शेख, ओबीसी सेलचे प्रदेश कार्याध्यक्ष संजय काळबांडे, छत्रपती संभाजीनगर जिल्हाध्यक्ष पांडुरंग तांगडे पाटील, जालना जिल्हाध्यक्ष निस्सार देशमुख, पंकजनाना बोराडे, सुरेखाताई लहाने, रामधन कळंबे, रमेश पकाळ यांच्यासह मोठ्या संख्येने शेतकरी बांधव आणि कार्यकर्ते उपस्थित होते.

राज्यातील शेतकरी अक्षरशः कोलमडला असतानाही “गेंड्याच्या कातडीचं” हे सरकार ढिम्म असल्याची टीका यावेळी करण्यात आली. शेतकऱ्यांच्या समस्या सोडवण्यात राज्य सरकार अपयशी ठरले असून, शेतकऱ्यांना न्याय मिळेपर्यंत रस्त्यावरची लढाई सुरू ठेवण्याचा निर्धार यावेळी नेत्यांनी व्यक्त केला.

🟩 “शेतकऱ्याच्या न्यायासाठी हा मोर्चा नव्या लढाईची सुरुवात आहे!”