शहरात अल्पसंख्याक काँग्रेसकडून गरजू नागरिक व रुग्णांना ब्लॅंकेट वाटप

छत्रपती संभाजीनगर (औरंगाबाद), दि. २५ –

अल्पसंख्याक शहर जिल्हा काँग्रेस कमिटीच्या वतीने आज समाजोपयोगी उपक्रम राबवण्यात आला. शहर जिल्हा काँग्रेस कमिटीचे अध्यक्ष शेख युसूफ यांच्या नेतृत्वाखाली प्रभाग क्रमांक ०५ मधील गरजू नागरिकांना तसेच हमखास मैदान समोरील कॅन्सर हॉस्पिटलमधील रुग्ण व त्यांच्या नातेवाईकांना ब्लॅंकेट/चादर वाटप करण्यात आले.

या उपक्रमात अखिल भारतीय काँग्रेस कमिटी अल्पसंख्यांक विभागाचे राष्ट्रीय सचिव नासेर नजीर खान, अल्पसंख्याक जिल्हा काँग्रेस कमिटीचे जिल्हाध्यक्ष अनिस पटेल, अल्पसंख्याक शहर जिल्हा काँग्रेस कमिटीचे अध्यक्ष मोईन इनामदार यांसह विविध पदाधिकारी उपस्थित होते.

या कार्यक्रमाचे आयोजन अल्पसंख्याक शहर जिल्हा काँग्रेस कमिटीचे उपाध्यक्ष मजाज अहमद खान यांनी केले होते. त्यांच्या सोबत अल्पसंख्याक विभागातील अनेक पदाधिकारी आणि कार्यकर्त्यांची उपस्थिती होती.

थंडीच्या पार्श्वभूमीवर गरजू नागरिकांच्या मदतीसाठी घेतलेला हा उपक्रम कौतुकास्पद ठरला असून नागरिकांकडून समाधान व्यक्त करण्यात आले.

“गरजूंना दिलासा देणारी काँग्रेसची ही मदत… समाजकारणाचा खरा अर्थ याच उपक्रमात!”