🏆“डॉ. बाबासाहेब आंबेडकर समाज भूषण पुरस्कार” वेलकम संस्थेला; सामाजिक कार्याची दखल

महाराष्ट्र वाणी न्युज 

छत्रपती संभाजीनगर(औरंगाबाद), १२ जून :— महाराष्ट्र शासनाच्या सामाजिक न्याय व विशेष सहाय्य विभागातर्फे “डॉ. बाबासाहेब आंबेडकर समाज भूषण पुरस्कार २०२३-२४” यंदा वेलकम शैक्षणिक, सामाजिक व सांस्कृतिक संस्था, छत्रपती संभाजीनगर यांना प्रदान करण्यात आला आहे.

हा पुरस्कार संस्थेचे अध्यक्ष श्री. जफर पठाण आणि सचिव अॅड. अझर पठाण यांनी मुंबई येथील यशवंतराव चव्हाण प्रतिष्ठान येथे आयोजित समारंभात स्वीकारला.

संस्थेने गेल्या अनेक वर्षांपासून सामाजिक, शैक्षणिक आणि सांस्कृतिक क्षेत्रात केलेल्या उल्लेखनीय कार्याची ही अधिकृत पावती मानली जात आहे. समाजात समतेची भावना निर्माण करणे, मागास घटकांसाठी संधी उपलब्ध करून देणे आणि सामाजिक परिवर्तनासाठी सातत्याने काम करणे या क्षेत्रातील कार्यामुळे वेलकम संस्थेची निवड करण्यात आली.

या पुरस्कारामुळे संस्थेच्या कार्यास नवे बळ मिळाले असून, पुढील काळातही सामाजिक बांधिलकी जपत कार्य सुरू राहणार असल्याचे अध्यक्ष आणि सचिवांनी सांगितले.