‘डिजिटल डिटॉक्स’ची अनोखी मोहिम! सांगलीच्या वडगावात दररोज सायंकाळी ७ वाजता बंद होतात मोबाईल आणि टीव्ही

महाराष्ट्र वाणी न्युज 

सांगली दि ४ :- आजच्या डिजिटल युगात सोशल मीडिया आणि स्क्रीनटाइम आपल्या आयुष्याचा अविभाज्य भाग बनला आहे. पण सांगली जिल्ह्यातील वडगाव या छोट्या गावाने या सवयींवर मात करत एक प्रेरणादायी उदाहरण निर्माण केलं आहे.

या गावात दररोज सायंकाळी सात वाजता सायरन वाजतो, आणि त्या क्षणी गावकरी मोबाईल, टीव्ही बंद करून ऑफलाइन जगात परत जातात. हा "डिजिटल ब्रेक" सुमारे दीड तास चालतो. या काळात कोणताही डिजिटल स्क्रीन वापरला जात नाही.

गावातील मुले या वेळेत पुस्तके वाचतात, तर मोठे एकमेकांशी संवाद साधतात. या उपक्रमाची सुरुवात वडगावचे सरपंच विजय नामदेव मोहिते यांनी केली असून, सुरुवातीला ही मोहिम विद्यार्थ्यांच्या अभ्यासासाठी राबवण्यात आली होती.

आज मात्र ही सवय सर्वांच्या आयुष्याचा भाग बनली आहे. सायरनचा आवाज येताच गावातील लोक आनंदाने मोबाईल बाजूला ठेवतात आणि आपल्या कुटुंबासोबतचा वेळ उपभोगतात.

वडगावचा सायरन फक्त वेळ सांगत नाही... तो ‘आपल्याला स्वतःकडे परत येण्याची आठवण’ करून देतो! 🔔