जळगाव मुस्लिम मनियार बिरादरीकडून रमजानमध्ये गरजूंसाठी राशन किटचे वितरण सुरू

महाराष्ट्र वाणी 

जळगाव दि १७ :- पवित्र रमजान महिन्याच्या सुरुवातीस जळगाव जिल्हा मुस्लिम मनियार बिरादरीच्या वतीने दरवर्षीप्रमाणे यंदाही गरजू व पात्र कुटुंबांपर्यंत राशन किट पोहोचविण्याचा उपक्रम सुरू करण्यात आला आहे.

बिरादरीचा प्रयत्न असतो की मदत अशा पद्धतीने दिली जावी, ज्यामुळे कोणाच्याही आत्मसन्मानाला धक्का लागू नये आणि कुठलाही दिखावा होऊ नये. जबाबदार व्यक्तींनी तयार केलेल्या यादीच्या आधारे टीम थेट गरजूंच्या घरी जाऊन शांततेत राशन किट सुपूर्द करते.

यंदाच्या राशन किटमध्ये एकूण १७ आवश्यक वस्तूंचा समावेश करण्यात आला आहे. त्यामध्ये साखर, तेल, चणा डाळ, चहा, बेसन, धणे पावडर, तिखट, शेंगदाणे, तूरडाळ, मूगडाळ, मटकी डाळ, उडीद डाळ, रूह अफझा/शरबत, खजूरचे पॅकेट तसेच इतर गरजेच्या वस्तूंचा समावेश आहे.

रोजेदारांच्या सोयीसाठी आणि घरगुती गरजा लक्षात घेऊन हे साहित्य वितरित करण्यात येत आहे. बिरादरीने अल्लाहकडे दुआ केली आहे की ही सेवा स्वीकारली जावी आणि मदत करणाऱ्यांना उत्तम प्रतिफळ मिळावे.

जर कोणती संस्था किंवा जबाबदार व्यक्ती आपल्या परिसरातील गरजू कुटुंबांपर्यंत राशन किट पोहोचवू इच्छित असेल, तर त्यांनी जळगाव जिल्हा मुस्लिम मनियार बिरादरीच्या पदाधिकाऱ्यांशी संपर्क साधावा, असे आवाहन करण्यात आले आहे.

— जारीकर्ता : फारूक शेख, अध्यक्ष, जळगाव जिल्हा मुस्लिम मनियार बिरादरी

✨ मानवता आणि भाईचाऱ्याचा हा उपक्रम दरवर्षीप्रमाणे यंदाही सुरूच राहणार आहे.