"एशियन हॉस्पिटलचा आरोग्यवटवृक्ष: पारदर्शक सेवेला दशकपूर्ती, मान्यवरांचा गौरव

महाराष्ट्र वाणी न्युज 

छत्रपती संभाजीनगर(औरंगाबाद)दि १८ :- “विश्वास, सेवा आणि पारदर्शकता” या तीन आधारस्तंभांवर उभ्या असलेल्या एशियन हॉस्पिटलने दिनांक 17 ऑगस्ट ला आपला दशकपूर्ती सोहळा साजरा केला. 17 ऑगस्ट 2015 रोजी डॉ. शोएब हाश्मी यांच्या संकल्पनेतून सुरू झालेल्या या आरोग्यसेवेच्या प्रवासाने फक्त दहा वर्षांत रुग्णसेवेचा वटवृक्ष म्हणून नाव कमावले आहे.

आज 125 बेड्स, 50 हून अधिक तज्ज्ञ डॉक्टर, सुमारे 300 कर्मचाऱ्यांचा सक्षम स्टाफ आणि आधुनिक यंत्रणांनी सज्ज एशियन हॉस्पिटल हे रुग्ण आणि नातेवाईकांचा आधारवड ठरले आहे. दशकपूर्ती सोहळ्यानिमित्त विविध मान्यवरांनी शुभेच्छांचा वर्षाव करत हॉस्पिटलच्या सेवाभावाचा गौरव केला.

मॅनेजिंग डायरेक्टर डॉ. शोएब हाश्मी यांनी या प्रसंगी बोलताना –

"एशियन हॉस्पिटल हे लोकांच्या विश्वासातून उभे राहिले आहे. पारदर्शक आरोग्यसेवा हेच आमचे ध्येय असून यापुढेही समाजहितासाठी आरोग्यसेवेचे कार्य अखंड सुरू राहील. जास्तीत जास्त नागरिकांनी या सुविधांचा लाभ घ्यावा," असे आवाहन केले.

कार्यक्रमादरम्यान काही रुग्ण व नातेवाईकांनी हॉस्पिटलच्या सेवेसोबत नर्सिंग स्टाफकडून मिळालेल्या भावनिक आधाराचा खास उल्लेख केला.

सोहळ्यास वैद्यकीय, राजकीय आणि सामाजिक क्षेत्रातील मान्यवरांनी हजेरी लावली. माजी मंत्री व आमदार अब्दुल सत्तार, आमदार प्रदीप जैस्वाल, आमदार विलास भुमरे, माजी आमदार एम. एम. शेख, माजी महापौर त्रिंबक तुपे, नंदकुमार घोडेले, महानगरप्रमुख राजू वैद्य, तसेच ओसामा कदिर मौलाना, अशफाक मोतीवाला, अतिक मोतीवाला, फारूक पटेल आदींच्या उपस्थितीने कार्यक्रमाला विशेष रंगत आली.

या सर्व मान्यवरांनी हॉस्पिटलच्या सेवाभावाचे कौतुक करत पुढील वाटचालीस शुभेच्छा दिल्या.

👉 एशियन हॉस्पिटलची दशकपूर्ती हे केवळ संस्थेचे नव्हे, तर रुग्ण आणि नातेवाईकांच्या विश्वासाचेही यश आहे.