📢 इंटरनेटशिवाय चालणार मेसेजिंग अ‍ॅप! जॅक डोर्सीचा ‘Bitchat’ WhatsAppला देणार टक्कर?

महाराष्ट्र वाणी विशेष 

Internet Free Messaging App :

जगभरात अब्जावधी लोक वापरत असलेला WhatsApp आता एका भन्नाट नव्या अ‍ॅपच्या आव्हानाला सामोरा जाणार आहे. ट्विटर (आता X) चे सहसंस्थापक जॅक डोर्सी यांनी "Bitchat" नावाचं नवं इन्स्टंट मेसेजिंग अ‍ॅप सादर केलं असून, याची सर्वात मोठी खासियत म्हणजे – हे अ‍ॅप इंटरनेटशिवाय मेसेज पाठवतं!

🔹 कसं वेगळं आहे ‘Bitchat’?

हे अ‍ॅप ब्लूटूथ मेश नेटवर्कवर आधारित असून इंटरनेट नसतानाही मेसेजिंग शक्य होतं.

३०० मीटरपर्यंत मेसेज ट्रान्समिशनची क्षमता, जे पारंपरिक ब्लूटूथपेक्षा तीनपट जास्त आहे.

टॉपिक-बेस्ड चॅटरूम्स, mentions आणि favourite मेसेज सेव्ह करण्याचा पर्याय.

सर्व्हरवर डेटा न साठवल्याने १००% प्रायव्हसी.

🔹 WhatsApp पेक्षा वेगळं काय?

WhatsApp सतत जाहिराती, चॅनेल्स आणि बिझनेस फीचर्सकडे वळत असताना, Bitchat फक्त युजर-टू-युजर कनेक्शनवर लक्ष केंद्रीत करणार आहे. यात कोणतेही अ‍ॅड्स, ट्रॅकिंग किंवा व्यावसायिक अ‍ॅक्टिव्हिटी नसल्याने, युजर्सना अधिक सुरक्षित अनुभव मिळेल.

🔹 उपलब्धता

सध्या हे अ‍ॅप iOS वर TestFlight च्या माध्यमातून बीटा स्टेजमध्ये उपलब्ध असून, Android वर्जनवरही काम सुरू आहे. लाँच होताच पहिल्या १०,००० युजर्सची नोंदणी क्षणात पूर्ण झाली आहे.

🔹 पुढे काय?

डोर्सी याआधी Bluesky नावाचं मायक्रोब्लॉगिंग प्लॅटफॉर्म आणून चर्चेत होते. आता "Bitchat" मुळे ऑफलाइन मेसेजिंगचं नवं युग सुरू होणार आहे का? आणि खरंच WhatsApp ला टक्कर मिळणार का? याचं उत्तर काही दिवसांत मिळेल.

 WhatsAppला ‘Bitchat’ खरोखरच मागे टाकेल का?

👉 तुमचं मत काय?