🎓 हाजी लाल मिया देशमुख उर्दू हायस्कूल विद्यार्थ्यांचा शिष्यवृत्ती सन्मान!

महाराष्ट्र वाणी न्युज 

एरंडोल, जि. जळगाव दि २६ :- हाजी लाल मिया देशमुख उर्दू हायस्कूल, उत्राण (संचलित – एकता एज्युकेशनल अँड कल्चरल सोसायटी, औरंगाबाद) येथील विद्यार्थ्यांनी पूर्व माध्यमिक शिष्यवृत्ती परीक्षा, 9 फेब्रुवारी 2025 रोजी झालेल्या परीक्षेत यश संपादन करून शिष्यवृत्तीस पात्र ठरले. या विद्यार्थ्यांना प्रमाणपत्र वितरणाचा समारंभ आज पंचायत समिती एरंडोल येथे उत्साहात पार पडला.

या कार्यक्रमास प्रमुख अतिथी म्हणून उपस्थित असलेल्या मान्यवरांच्या हस्ते विद्यार्थ्यांना प्रमाणपत्रे देण्यात आली.

कार्यक्रमाला मा. मुख्य कार्यकारी अधिकारी मीनल करणवाल मॅडम, मा. खासदार स्मिता वाघ मॅडम, मा. आमदार अमोल चिमणराव पाटील साहेब, मा. प्रांताधिकारी मनीष गायकवाड साहेब, मा. गट शिक्षणाधिकारी आर. डी. महाजन, मा. विस्तार अधिकारी जे. डी. पाटील, विषय तज्ञ कुबडे सर व मा. गटविकास अधिकारी दादाजी एकनाथ जाधव उपस्थित होते.

शिष्यवृत्ती पात्र विद्यार्थ्यांचा सत्कार होत असताना विद्यार्थ्यांच्या डोळ्यांतील चमक आणि आनंद उल्लेखनीय होता. शाळेच्या वतीने सर्व मान्यवरांचे मनःपूर्वक आभार मानण्यात आले.

✨ या यशस्वी विद्यार्थ्यांना शाळेच्या वतीने पुढील शैक्षणिक वाटचालीसाठी हार्दिक शुभेच्छा देण्यात आल्या!