"शाळेच्या प्रगतीसाठी झटणाऱ्या शिक्षकांना अंभई येथील गावकऱ्यांचा भावपूर्ण निरोप"

महाराष्ट्र वाणी न्युज 

अंभई (ता. सिल्लोड) दि २५ :- येथील जिल्हा परिषद शाळेत कार्यरत असलेले उत्कृष्ट, विद्यार्थीप्रिय व शाळेच्या प्रगतीसाठी सतत झटणारे शिक्षक श्री. तायडे बी. एफ. सर, तसेच उर्दू माध्यमातील तंत्रस्नेही शिक्षक श्री. एजाज सर, श्रीमती नुजहत मॅडम व श्रीमती तहसीलदार मॅडम यांची ऑनलाईन जिल्हांतर्गत बदली झाल्याने त्यांचा निरोप समारंभ घेण्यात आला.

या प्रसंगी सरपंच श्रीमती छाया दुतोंडे व केंद्रप्रमुख श्री. शाह मुस्तफा यांच्या हस्ते शिक्षकांचा सत्कार करून त्यांना भावपूर्ण निरोप देण्यात आला.

शिक्षकांच्या बदलीची बातमी कळताच विद्यार्थी, पालक व गावकरी यांच्यात भावनिक वातावरण निर्माण झाले. शाळेच्या शैक्षणिक व सांस्कृतिक उन्नतीसाठी या शिक्षकांनी दिलेल्या योगदानाची आठवण काढत उपस्थितांनी त्यांच्या कार्याचा गौरव केला.

समारंभात शिक्षकांना पुढील कार्यकाळासाठी मनःपूर्वक शुभेच्छा देण्यात आल्या. “शिक्षकांचा हा निरोप शाळेसाठी मोठी पोकळी आहे, मात्र त्यांच्या मार्गदर्शनाचा ठसा विद्यार्थ्यांच्या आयुष्यात कायम राहील,” अशा भावना यावेळी व्यक्त करण्यात आल्या.

"शिक्षकांची बदली, आठवणी मात्र कायम…"