💸 लाडकी बहीण योजनेचा जानेवारी हफ्ता लवकरच? 98.25 कोटींची तरतूद; महिलांना मोठा दिलासा!

महाराष्ट्र वाणी 

मुंबई (प्रतीनीधी) दि २२ :- मुख्यमंत्री लाडकी बहीण योजना अंतर्गत लाभार्थी महिलांसाठी महत्त्वाची अपडेट समोर आली आहे. गेल्या काही महिन्यांपासून हफ्ता उशिरा मिळत असल्याने महिलांमध्ये नाराजीचे वातावरण होते. मात्र आता जानेवारी महिन्याचा थकलेला हफ्ता लवकरच जमा होण्याची शक्यता व्यक्त केली जात आहे.

राज्यात ज्या कुटुंबांचे वार्षिक उत्पन्न अडीच लाख रुपयांपेक्षा कमी आहे, अशा कुटुंबातील पात्र महिलांना या योजनेअंतर्गत दरमहा १,५०० रुपये थेट बँक खात्यात जमा केले जातात. परंतु जानेवारी महिना उलटून फेब्रुवारीही संपत आला तरी अनेक महिलांच्या खात्यात रक्कम जमा झाली नव्हती.

💰 98.25 कोटींचा निधी हस्तांतरीत

मिळालेल्या माहितीनुसार, जानेवारी हफ्त्यासाठी निधी उपलब्ध करून देण्याची प्रक्रिया सुरू झाली आहे. सामाजिक न्याय विभागाच्या खात्यातून सुमारे 98.25 कोटी रुपये महिला व बालविकास विभागाकडे वर्ग करण्यात आले आहेत. त्यामुळे थकीत रक्कम लवकरच लाभार्थी महिलांच्या खात्यात जमा होईल, असा अंदाज वर्तवला जात आहे.

🗳️ निवडणुकांमुळे झाला विलंब

स्थानिक स्वराज्य संस्थांच्या निवडणुकांमुळे गेल्या काही महिन्यांपासून निधी वितरणात अडथळे निर्माण झाले होते. निवडणुका पार पडल्यावरही जानेवारीचा हफ्ता मिळालेला नसल्याने महिलांनी नाराजी व्यक्त केली होती.

📝 KYC अपडेटसाठी मुदतवाढ

अनेक महिलांनी केवायसी पूर्ण करूनही काही तांत्रिक त्रुटींमुळे त्यांचे पैसे थांबवण्यात आले होते. याची दखल घेत सरकारने केवायसी अपडेट करण्यासाठी मुदतवाढ दिली आहे. ज्या महिलांच्या अर्जात चुका आहेत, त्यांनी तात्काळ केवायसी दुरुस्ती करून घ्यावी, असे आवाहन करण्यात आले आहे.

लवकरच थकीत रक्कम खात्यात जमा होणार असल्याची शक्यता व्यक्त होत असून, यामुळे लाखो महिलांना दिलासा मिळण्याची अपेक्षा आहे.

👉 लाडक्या बहिणींनो, तुमची केवायसी तपासा… आणि खात्यात पैसे कधी येतात ते पाहत राहा!