मोठी बातमी! दहावी आणि बारावीच्या परीक्षांच्या तारखा जाहीर — जाणून घ्या कधी सुरू होणार परीक्षा!
महाराष्ट्र वाणी विशेष
Maharashtra SSC HSC Exam Schedule 2026 : महाराष्ट्र राज्य माध्यमिक व उच्च माध्यमिक शिक्षण मंडळाने (MSBSHSE) अखेर दहावी (SSC) आणि बारावी (HSC) परीक्षांचे वेळापत्रक जाहीर केले आहे. अधिकृत माहितीनुसार, बारावीची परीक्षा १० फेब्रुवारी २०२६ पासून, तर दहावीची परीक्षा २० फेब्रुवारी २०२६ पासून सुरू होणार आहे.
राज्य मंडळाचे सहसचिव प्रमोद गोफणे यांनी प्रसिद्धिपत्रकाद्वारे ही माहिती दिली आहे. राज्यातील पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर आणि कोकण या नऊ विभागीय मंडळांमार्फत या परीक्षा घेतल्या जाणार आहेत.
➡️ बारावीची लेखी परीक्षा: १० फेब्रुवारी ते १८ मार्च २०२६
➡️ प्रात्यक्षिक/तोंडी परीक्षा: २३ जानेवारी ते ९ फेब्रुवारी २०२६
या कालावधीत माहिती तंत्रज्ञान, सामान्य ज्ञान यांसारख्या विषयांच्या प्रात्यक्षिक परीक्षाही घेतल्या जातील.
➡️ दहावीची लेखी परीक्षा: २० फेब्रुवारी ते १८ मार्च २०२६
➡️ प्रात्यक्षिक/तोंडी परीक्षा: २ फेब्रुवारी ते १८ फेब्रुवारी २०२६
शरीरशास्त्र, आरोग्यशास्त्र आणि गृहशास्त्र या विषयांच्या प्रात्यक्षिक परीक्षांचा देखील या वेळापत्रकात समावेश आहे.
राज्य मंडळाने शाळा व कनिष्ठ महाविद्यालयांना अभ्यासक्रमाचे नियोजन सुलभ व्हावे आणि विद्यार्थ्यांचा ताण कमी व्हावा, या उद्देशाने वेळापत्रक आगाऊ जाहीर केले आहे. परीक्षांचे अंतिम, विषयनिहाय सविस्तर वेळापत्रक लवकरच मंडळाच्या अधिकृत संकेतस्थळावर प्रसिद्ध होणार असल्याची माहिती देण्यात आली आहे.
📰 विद्यार्थ्यांसाठी महत्त्वाची सूचना — तयारीला लागा, वेळापत्रक आता जाहीर झाले आहे!