मुकुंदवाडी पोलिसांची धडाकेबाज कारवाई! १० किलो गांज्यासह तस्कर जेरबंद

महाराष्ट्र वाणी 

छत्रपती संभाजीनगर(औरंगाबाद) दि ३० :- मुकुंदवाडी पोलीस ठाण्याच्या विशेष पथकाने एक मोठी कारवाई करत १० किलो २१६ ग्रॅम गांज्यासह एका तस्कराला रंगेहाथ अटक केली. जप्त केलेल्या मुद्देमालाची किंमत सुमारे १ लाख रुपये एवढी आहे.

दि. २९ नोव्हेंबर २०२५ रोजी संध्याकाळी पोलीस अंमलदार सुजल शर्मा यांना मिळालेल्या गोपनीय माहितीवरून ही कारवाई करण्यात आली. झेंडा चौक परिसरात एक व्यक्ती अवैधरित्या गांजा विक्रीसाठी येणार असल्याची खात्रीलायक माहिती मिळताच, पोलीस निरीक्षक सचिन इंगोळे यांच्या मार्गदर्शनाखाली विशेष पथक तयार करण्यात आले.

रात्री ११.४० वाजता झेंडा चौक परिसरात पथकाने सापळा रचला. त्यावेळी हातात प्रवासी बॅग घेऊन संशयित व्यक्ती दिसताच पोलिसांनी त्याला ताब्यात घेतले. त्याने स्वतःचे नाव किशोर गणेश सांगळे (२१ वर्षे, रा. देऊळगाव राजा, जि. बुलडाणा) असे सांगितले.

त्याच्या बॅगेची झडती घेतली असता प्लास्टिक पॅकिंगमधील एकूण ५ पॅकेटमध्ये गांजा आढळला. आरोपीला मुद्देमालासह पोलिस ठाण्यात आणण्यात आले. त्याच्याविरुद्ध गु.र.न. 474/2025 नुसार एनडीपीएस कायदा कलम 20(B) व 8(क) अंतर्गत गुन्हा दाखल करण्यात आला आहे.

या कारवाईत सहभागी अधिकारी व कर्मचारी :

मार्गदर्शन –

मा. पोलीस आयुक्त : विरेंद्र मिश्रा

मा. पोलीस उपआयुक्त : प्रशांत स्वामी

मा. सहाय्यक पोलीस आयुक्त, उस्मानपुरा विभाग : मनीष कल्याणकर

पोलीस निरीक्षक : सचिन इंगोळे

कार्रवाई करणारे –

स.पो.नि. बहुरे,

पो.उपनि. घोरपडे,

पो.अं. विकास गुरुखेल, संतोष बिरारे, रविंद्र बेंडे,

पोह. सुखदेव जाधव, समाधान काळे, शैलेंद्र आडियाल,

चालक पो.अं. ज्ञानेश्वर पवार, मपोअं अनिता नायमाने,

पो.अं. सुजल शर्मा

विशेष पथकाने अतिशय नियोजनबद्ध आणि समन्वयपूर्णपणे ही कारवाई करून अवैध नशेच्या व्यवहारावर मोठा आघात केला आहे.