दर्यापूर काँग्रेस कमिटीच्या वतीने “आदिशक्ती महिला कावळ यात्रा बनोसा” चे जल्लोषात स्वागत

महाराष्ट्र वाणी न्युज 

दर्यापूर (प्रतिनिधी) दि १८ :- बनोसा येथून निघालेल्या “आदिशक्ती महिला कावळ यात्रा” चे दर्यापूरात आगमन होताच तालुका काँग्रेस कमिटीच्या वतीने मोठ्या उत्साहात स्वागत करण्यात आले. काँग्रेस कमिटीच्या कार्यालयासमोर तालुका काँग्रेस कमिटीचे अध्यक्ष श्री. सुधाकर पाटील भारसाकळे यांच्या हस्ते यात्रेचे स्वागत करण्यात आले.

या स्वागतप्रसंगी ईश्वर भाऊ बुंदेले, नंदू भाऊ मेहरे, गोपाल भाऊ फलके, दत्ता पाटील कुंभारकर आदी मान्यवर उपस्थित होते. काँग्रेस कार्यकर्त्यांनी देवीच्या जयघोषात, फुलांचा वर्षाव करून यात्रेचे स्वागत केले. ढोल-ताशा व पारंपरिक वाद्यांच्या गजरात परिसर दुमदुमून गेला होता.

यात्रेच्या निमित्ताने दर्यापूर शहरात श्रद्धा, भक्ती आणि उत्साहाचे वातावरण निर्माण झाले होते. महिलांच्या मोठ्या संख्येने उपस्थितीत ही यात्रा केवळ धार्मिक कार्यक्रम न राहता महिला शक्तीचे प्रतीक ठरत असल्याचे उपस्थित मान्यवरांनी यावेळी सांगितले.

“आदिशक्ती महिला कावळ यात्रा या समाजातील ऐक्य, श्रद्धा आणि स्त्रीशक्तीचा जागर घडवणारी यात्रा आहे. यामुळे समाजातील सकारात्मक वातावरण अधिक बळकट होते,” असे मत तालुका काँग्रेस अध्यक्ष सुधाकर पाटील भारसाकळे यांनी व्यक्त केले.

👉 “महिला शक्ती हीच खरी समाजशक्ती — आदिशक्ती यात्रेला दर्यापूरकरांचा उत्स्फूर्त प्रतिसाद”