“दगाबाज रे सरकार! “शेतकऱ्यांवर अन्याय थांबवा,उद्धव ठाकरेंचा मराठवाड्यात सरकारवर घणाघात!

महाराष्ट्र वाणी न्युज 

पैठण दि ५ :- ‘दगाबज रे’ या राज्यव्यापी मोहिमेअंतर्गत आज पक्षप्रमुख उद्धव ठाकरे यांनी पैठण तालुक्यातील नांदर येथे शेतकऱ्यांशी संवाद साधत राज्य सरकारवर तिखट टीका केली. अतिवृष्टीने उध्वस्त झालेल्या शेतकऱ्यांच्या हालहवाल जाणून घेत उद्धवसाहेबांनी सरकारवर अन्यायाचा आरोप केला.

“दगाबाज राज्य सरकारने शेतकऱ्यांना दिलेली मदत म्हणजे थट्टा आहे. पॅकेजच्या नावाखाली केवळ दिखावा चालू आहे. प्रत्यक्षात शेतकऱ्यांच्या खात्यात काहीच आलेले नाही. या कठीण काळात मी शेतकऱ्यांच्या पाठीशी आहे,” असा ठाम विश्वास उद्धव ठाकरे यांनी दिला.

ते पुढे म्हणाले, “मराठवाड्यातील शेतकरी राजा भोळाभाबडा आहे, पण आज तो इतिहासात कधी नव्हे इतक्या मोठ्या संकटात सापडला आहे. शेतकऱ्यांच्या दु:खावर राजकारण करणाऱ्यांना आता जनता ओळखून आहे. आपण सर्वांनी एकत्र येऊन या दगाबाज सत्तेला धडा शिकवला पाहिजे.”

कार्यक्रमादरम्यान शेतकऱ्यांनी आपल्या समस्या मांडत भरपाई न मिळाल्याची व्यथा व्यक्त केली. उद्धव ठाकरे यांनी प्रत्येक तक्रारीची नोंद घेत राज्यभर शेतकऱ्यांसाठी न्याय मिळविण्यासाठी तीव्र आंदोलन छेडण्याचा इशारा दिला.

या सभेला शिवसेना (उद्धव बाळासाहेब ठाकरे) पक्षाचे नेते चंद्रकांत खैरे, अंबादास दानवे, विनोद घोसाळकर, सुभाष पाटील, ज्योतीताई ठाकरे, आमदार मिलिंद नार्वेकर, दत्ता गोर्डे, मनोज पेरे, तसेच महिला आघाडीच्या नेत्या सुनीता ताई जिल्हा संघटक राखी परदेशी आणि आशा दातार यांची उपस्थिती होती.

शेकडो शेतकरी या संवाद कार्यक्रमाला हजेरी लावत “शेतकऱ्यांवर अन्याय नको – उद्धवसाहेब हक्क देणार!” अशा घोषणा देत ठिकठिकाणी उत्स्फूर्त प्रतिसाद देत होते.

🟠 महाराष्ट्र वाणीचा ठाम आवाज – शेतकऱ्यांचा सवाल, सरकारचं उत्तर कधी येणार?