जळगावचा अभिमान! नासिर खान यांना “राज्यस्तरीय आदर्श शिक्षक सन्मान”

महाराष्ट्र वाणी न्युज 

जळगाव दि २८ :- इकरा एज्युकेशन सोसायटी संचलित उर्दू हायस्कूल, तोंडापूर येथील ज्येष्ठ शिक्षक श्री. नासिर खान सफदर खान यांना “राज्यस्तरीय आदर्श शिक्षक सन्मान” प्रदान करण्यात आला. हा सन्मान राजनंदिनी बहुउद्देशीय संस्था, जळगाव यांच्या वतीने आयोजित कार्यक्रमात देण्यात आला.

या प्रसंगी माननीय रवींद्र भैय्या पाटील, प्रा. डॉ. दिलीपकुमार ललवानी, श्री. शालिग्राम मालकर (अध्यक्ष, कृषी उत्पन्न बाजार समिती, जळगाव) तसेच डॉ. मुनाफ शेख (उपकुलसचिव, परीक्षा विभाग, कवयित्री बहिणाबाई चौधरी उत्तर महाराष्ट्र विद्यापीठ, जळगाव) हे मान्यवर उपस्थित होते. नासिर खान यांना प्रमाणपत्र व स्मृतिचिन्ह देऊन गौरविण्यात आले.

श्री. खान हे विद्यार्थीप्रिय शिक्षक आणि समाजकार्यकर्ते म्हणून प्रसिद्ध आहेत. त्यांनी अनेक विद्यार्थ्यांना घडवून समाजात पुढे नेले आहे. त्यांच्या या सन्मानाबद्दल इकरा एज्युकेशन सोसायटीचे अध्यक्ष डॉ. अब्दुल करीम सालार, डॉ. इक्बाल शहा, एजाज मलिक, तारीख शेख, मुख्याध्यापक अय्युब शेख तसेच शिक्षक व शिक्षकेतर कर्मचारी यांनी त्यांचे अभिनंदन केले.

या कार्यक्रमाला नासिर खान यांचे मोठे बंधू अफजल खान, मुख्तार खान पठाण, प्रा. डॉ. चांद खान यांच्यासह फैसल खान व ताह खान उपस्थित होते. हा सन्मान मिळाल्याने जळगाव जिल्ह्यात अभिमानाची भावना व्यक्त होत आहे.

✨ समाजासाठी घडवलेले विद्यार्थी हेच खरी शाळेची ओळख – आणि नासिर खान यांचे कार्य त्याचे जिवंत उदाहरण आहे!