गंगापूरमध्ये काँग्रेसची शक्ती प्रदर्शित; प्रचार फेरी-सभेला उस्फूर्त प्रतिसाद

महाराष्ट्र वाणी 

गंगापूर दि २७ :- गंगापूर नगर परिषद निवडणुकीच्या पार्श्वभूमीवर आज काँग्रेसच्या प्रचार फेरी आणि जाहीर सभेला नागरिकांचा आणि कार्यकर्त्यांचा जबरदस्त प्रतिसाद मिळाला. सकाळपासून निघालेल्या या प्रचार यात्रेत पक्षाचे हजारो कार्यकर्ते उत्साहात सहभागी झाले.

छत्रपती संभाजीनगर-जालना लोकसभा मतदारसंघाचे खासदार डॉ. कल्याण काळे आणि काँग्रेसचे जिल्हाध्यक्ष किरण पाटील डोणगावकर यांनी कार्यकर्त्यांना मार्गदर्शन करत आगामी निवडणुका पक्षासाठी निर्णायक असल्याचे सांगितले.

नगराध्यक्ष पदाचे उमेदवार मोहसीन चाऊस भाषणासाठी व्यासपीठावर उभे राहिल्यावर सभागृहात अफाट उत्साह उसळला. हजारो हात उंचावत घोषणाबाजीचा गजर सुरू झाला आणि संपूर्ण परिसर "मोहसीन चाऊस विजयी व्हा" अशा घोषणांनी दुमदुमून गेला.

डॉ. काळे आणि पाटील डोणगावकर यांच्या नेतृत्वात पार पडलेली ही प्रचार फेरी आणि सभा गंगापूरच्या राजकारणात परिवर्तनाची नांदी ठरेल, असा विश्वास कार्यकर्त्यांमध्ये दिसून आला. आगामी निवडणुकीत काँग्रेससाठी हा दिवस महत्त्वाचा टर्निंग पॉईंट ठरणार असल्याची चर्चा शहरात रंगली आहे.