🩸 वरवंडमध्ये सरनोत फुड्सचा उपक्रम – भव्य रक्तदान शिबिरात 140 जणांचे रक्तदान

महाराष्ट्र वाणी 

पुणे (प्रतिनिधी शंकर जोग) दि २१ :- वरवंड येथील छत्रपती शिवाजी महाराज चौकात सरनोत फुड्स आणि सरनोत फटाका मार्ट यांच्या वतीने भव्य रक्तदान शिबिराचे आयोजन करण्यात आले. या शिबिराला उत्स्फूर्त प्रतिसाद मिळत सुमारे 140 रक्तदात्यांनी रक्तदान करून समाजसेवेचा उत्तम आदर्श घालून दिला. रक्तदात्यांना प्रमाणपत्र देऊन त्यांचा सत्कार करण्यात आला.

यावेळी अध्यक्ष विशाल सरनोत (वरवंडकर) यांनी उपस्थित मान्यवर, डॉक्टर व रक्तदाते यांचे मनापासून स्वागत करून आभार मानले.

अहिंसा नवकार फाउंडेशनचे संस्थापक अध्यक्ष मयुर सरनोत (वरवंडकर) म्हणाले, “सध्या रक्ताची भीषण टंचाई निर्माण झाली आहे. रक्तदाता हा रुग्णांसाठी आशेचा किरण असतो. वेळेवर मिळालेले रक्त अनेकांचे प्राण वाचवू शकते. युवकांनी पुढे येऊन अधिकाधिक रक्तदान शिबिरांचे आयोजन करून रक्ताच्या तुटवड्यावर मात करावी,” असे आवाहन त्यांनी केले.