८१ हजार रुपयांचा गांजा जप्त – क्रांतीचौक पोलिसांची कारवाई

महाराष्ट्र वाणी न्युज 

छत्रपती संभाजीनगर(औरंगाबाद), दि. ५ :- क्रांतीचौक पोलीस ठाण्याच्या पथकाने मोठी कारवाई करत अवैधरित्या गांजा विक्री करणाऱ्या दोघांना अटक केली आहे. त्यांच्या ताब्यातून तब्बल ८ किलो १०० ग्रॅम वजनाचा, किंमत सुमारे ८१ हजार रुपयांचा गांजा जप्त करण्यात आला आहे.

ही कारवाई शनिवार, दिनांक ४ ऑक्टोबर रोजी करण्यात आली. पो.उपनि. अशोक इंगोले यांना गोपनीय बातमीदारामार्फत माहिती मिळाली होती की, बाबा पेट्रोल पंपाजवळील ट्रॅव्हल्स पार्किंग परिसरात काही इसम गांजा विक्रीसाठी येणार आहेत. त्यानुसार वरिष्ठ अधिकाऱ्यांच्या मार्गदर्शनाखाली सापळा रचून संशयितांना पकडण्यात आले.

अटक करण्यात आलेले आरोपी असे –

1️⃣ अनिल दंगरसिंग अरिओ (वय ३१, रा. मेलिया, जि. बडवाणी, मध्य प्रदेश)

2️⃣ रोईदास गटारिया ठाकुर (वय २४, रा. धावडा, ता. वरला, जि. बडवाणी, मध्य प्रदेश)

दोघेही आरोपी गुंगीकारक अंमली पदार्थ (गांजा/कॅनबीस वनस्पती) बेकायदेशीररीत्या बाळगत असताना पोलिसांच्या सापळ्यात सापडले. पंचनाम्यानंतर माल जप्त करण्यात आला असून, क्रांतीचौक पोलीस ठाण्यात गुन्हा दाखल करण्यात आला आहे.

ही कारवाई पोलीस आयुक्त श्री. प्रविण प्रवार, उप-पोलीस आयुक्त श्री. पंकज अतुलकर, सहायक पोलीस आयुक्त श्री. संपत शिंदे, तसेच वरिष्ठ पोलीस निरीक्षक श्री. सुनिल माने यांच्या मार्गदर्शनाखाली करण्यात आली.

या मोहिमेत पोनि पवन चौधरी, पो.उपनि. अशोक इंगोले, पो.ह. मजिद पटेल, संतोष मुदीराज, विरश बने, भावसिंग चव्हाण, श्रीसुंदर, इरफान शेख, रवि खरात, विजय भानुसे, हरिश मुंढे, मुश्ताक शेख, व सजन जोनवाल यांनी सक्रिय सहभाग नोंदविला.

🔹 छत्रपती संभाजीनगर पोलिसांच्या या कारवाईमुळे अवैध अंमली पदार्थ विक्रेत्यांमध्ये खळबळ उडाली आहे.