सिद्धार्थ उद्यानात नवे पाहुणे – सिंह, अस्वल आणि कोल्ह्यांची भर!

महाराष्ट्र वाणी न्युज 

छत्रपती संभाजीनगर ( औरंगाबाद) दि २७ :-  

🐅 बदल्यात वाघांची अदलाबदल

केंद्रीय प्राणीसंग्रहालय प्राधिकरणाच्या मंजुरीनुसार कर्नाटकातील शिवमोगा येथून २ सिंह, २ अस्वल आणि २ कोल्हे सिद्धार्थ उद्यानात आणण्यात आले. त्याच्या मोबदल्यात येथून 01 पांढरे नर वाघ आणि २ पिवळ्या वाघीण शिवमोगा प्राणीसंग्रहालयाकडे पाठविण्यात येणार आहे.

🚛 लांब प्रवासानंतर सुरक्षित आगमन

दि. २५ सप्टेंबर रोजी रात्री ८ वाजता शिवमोगा येथून प्राण्यांची जोडी वनपरिक्षेत्र अधिकारी श्री. नागेश बलेगर व पशुवैद्यक डॉ. मुरली मनोहर यांच्या देखरेखीखाली रवाना झाली होती. तब्बल दोन दिवसांच्या प्रवासानंतर आज दि. २७ सप्टेंबर रोजी सकाळी ८ वाजता हे प्राणी सुरक्षितपणे सिद्धार्थ उद्यानात दाखल झाले.

🩺 आरोग्य तपासणी आणि विशेष व्यवस्था

प्राणी सिद्धार्थ उद्यानात सुरक्षितरीत्या उतरविण्यात आले व त्यांच्या निवासासाठी विशेष व्यवस्था करण्यात आली आहे. सध्या त्यांना नियमित खाऊ-पाणी दिले जात असून सर्वांची आरोग्य तपासणीही पूर्ण झाली आहे. अस्वलांच्या पिंजऱ्यात झोका व खेळणी उपलब्ध करून देण्यात आली असून त्यांची २४ तास देखरेख करण्यासाठी कर्मचारी नियुक्त केले आहेत.

👀 प्रेक्षकांसाठी थोडी प्रतीक्षा

स्थानिक वातावरणाशी जुळवून घेण्यासाठी पुढील २ ते ३ दिवस प्रेक्षकांना हे प्राणी पाहता येणार नाहीत. त्यानंतरच नागरिकांना सिंह, अस्वल आणि कोल्ह्यांचे दर्शन घेण्याची संधी मिळणार आहे.