🚨 ‘सराईत गुन्हेगार’ योगेश सांगळे MPDA अंतर्गत नागपूर कारागृहात स्थानबद्ध 🚨

महाराष्ट्र वाणी

 छत्रपती संभाजीनगर(औरंगाबाद) दि. ७ :- एमआयडीसी वाळूज परिसरातील कुख्यात गुन्हेगार योगेश नंदु सांगळे (वय 30) याच्यावर कठोर कारवाई करत त्याला MPDA कायद्यांतर्गत नागपूर येथील मध्यवर्ती कारागृहात स्थानबद्ध करण्यात आले आहे.

पोलीस आयुक्त प्रविण पवार यांच्या आदेशानुसार दिनांक 6 रोजी ही कारवाई करण्यात आली असून, वाढत्या गुन्हेगारी पार्श्वभूमीमुळे सांगळे याच्यावर ही कठोर पावले उचलण्यात आली आहेत.

🔍 गंभीर गुन्ह्यांची लांबलचक यादी

योगेश सांगळे याच्यावर एमआयडीसी वाळूज व हर्सुल पोलीस ठाण्यांत अनेक गंभीर गुन्हे दाखल आहेत. त्यामध्ये—

खुनाचा प्रयत्न

खंडणीसाठी अपहरण

घातक शस्त्रांनी हल्ला

दंगा व बेकायदेशीर जमाव

गृहअतिक्रमण

धार्मिक भावना दुखावणे

अग्निशस्त्र व धारदार शस्त्र बाळगणे

सार्वजनिक मालमत्तेचे नुकसान

धमकी व दहशत निर्माण करणे

अशा प्रकारच्या गुन्ह्यांचा समावेश आहे.

⚖️ आधीही झाली होती कारवाई

यापूर्वीही त्याच्यावर प्रतिबंधक कारवाई करण्यात आली होती. मात्र, त्यानंतरही त्याने गुन्हेगारी कारवाया सुरूच ठेवल्याने अखेर MPDA कायद्यांतर्गत त्याला स्थानबद्ध करण्यात आले.

👮‍♂️ वरिष्ठ अधिकाऱ्यांचे मार्गदर्शन

ही कारवाई पोलीस आयुक्त प्रविण पवार, उपायुक्त पंकज अतुलकर, उपायुक्त (गुन्हे) रत्नाकर नवले, सहाय्यक आयुक्त अशोक राजपूत व भागीरथी पवार यांच्या मार्गदर्शनाखाली गुन्हे शाखा व एमआयडीसी वाळूज पोलीस ठाण्याच्या पथकाने यशस्वीपणे पार पाडली.

 आरोपीला 6 एप्रिल रोजी अटक करून नागपूर मध्यवर्ती कारागृहात हलविण्यात आले आहे.

📰 “गुन्हेगारीला आळा – पोलीसांची कडक कारवाई सुरूच!”