📰 शेंद्रा MIDC चोरीप्रकरण – करमाड पोलिसांची 24 तासांत मोठी कामगिरी!

महाराष्ट्र वाणी न्युज 

छत्रपती संभाजीनगर(औरंगाबाद) दि २१ :- कुंभेफळ शेंद्रा पंचतारांकित (MIDC) परिसरातील कंपन्यांमध्ये बॅटऱ्या, कॉपर व अल्युमिनीयम वायर चोरणाऱ्या चोरट्यांच्या टोळीला करमाड पोलिसांनी अवघ्या 24 तासांत जेरबंद केले. त्यांच्या ताब्यातून ₹1.80 लाखांचा मुद्देमाल व गुन्ह्यात वापरलेली वाहने जप्त करण्यात आली.

 घटना

16 ऑगस्टच्या रात्री ते 17 ऑगस्टच्या पहाटे शेंद्रा MIDC येथील पॉप बिल्डिंगमधून अज्ञात चोरट्यांनी UPS बॅटऱ्या, अल्युमिनीयम वायर व कॉपर केबल असा सुमारे ₹2.30 लाखांचा मुद्देमाल लंपास केला होता. संतोष वनार्से यांनी करमाड पोलिसांकडे तक्रार दाखल केली होती.

 अटक कशी झाली?

तक्रारीनंतर तपासाला सुरुवात केली असता पोलिसांना गोपनीय माहिती मिळाली. त्यानुसार पोलिसांनी MIDC परिसरात सापळा रचून टिक्या ऊर्फ रोहीत सुनिल देहाडे (24) आणि कुणाल संजय रनवले (21) या दोघांना पकडलं. चौकशीत त्यांनी साथीदारांची नावे उघड केली. त्यानंतर बॉन्ड ऊर्फ रशिद पठाण यालाही अटक करण्यात आली.

 फरार आरोपी

या प्रकरणातील संतोष बन्सी जाधव हा आरोपी अद्याप फरार असून त्याचा शोध पोलिस घेत आहेत.

 पोलीस दलाची भूमिका

ही कारवाई पोलीस अधीक्षक डॉ. विनयकुमार राठोड, अपर पोलीस अधीक्षक अन्नपूर्णा सिंह व उपविभागीय अधिकारी पूजा नांगरे यांच्या मार्गदर्शनाखाली सहायक पोलीस निरीक्षक प्रताप नवघरे यांच्या नेतृत्वात करण्यात आली. पोहेका राहुल पगारे व त्यांच्या पथकाने ही धडाकेबाज कारवाई केली.

👉 करमाड पोलिसांच्या वेगवान कारवाईमुळे MIDC परिसरातील उद्योगांना मोठा दिलासा मिळाला आहे.