राऊत यांची प्रकृती बिघडली; ‘नववर्षात ठणठणीत होऊन भेटू’ – पत्राद्वारे समर्थकांना भावनिक संदेश

महाराष्ट्र वाणी न्युज 

मुंबई, दि. ३१ :– शिवसेना (उद्धव बाळासाहेब ठाकरे) पक्षाचे खासदार संजय राऊत यांनी आज स्वतःच्या प्रकृतीबाबत समर्थकांना भावनिक पत्र लिहून माहिती दिली आहे. त्यांच्या प्रकृतीत काही गंभीर स्वरूपाचा बिघाड झाल्याचे त्यांनी या पत्राद्वारे स्पष्ट केले असून, सध्या त्यांच्यावर वैद्यकीय उपचार सुरू आहेत.

“आपण सगळ्यांनी माझ्यावर कायम प्रेम आणि विश्वास ठेवला. पण सध्या माझ्या प्रकृतीत काही गंभीर बिघाड झाल्याचे समोर आले आहे. वैद्यकीय सल्ल्यानुसार मला बाहेर जाणे आणि गर्दीत मिसळणे यावर निर्बंध आले आहेत. मात्र मी लवकरच ठणठणीत बरा होऊन नवीन वर्षात आपल्या भेटीस येईन,” असा भावनिक संदेश राऊत यांनी आपल्या पत्रात दिला आहे.

राऊत यांनी पत्राच्या शेवटी आपल्या कार्यकर्ते व समर्थकांना “आपले प्रेम आणि आशीर्वाद असेच राहू द्या” अशी नम्र विनंती केली आहे.

 थोडक्यात:

संजय राऊत यांच्या प्रकृतीत बिघाड

सध्या वैद्यकीय उपचार सुरू

पत्राद्वारे समर्थकांना दिला संदेश

“नववर्षात भेटू” अशी दिली खात्री

🗞️ – महाराष्ट्र वाणी

“जनतेच्या मनातली बातमी, महाराष्ट्र वाणी सोबत!”