प्रभाग २६ मध्ये राष्ट्रवादी (शरदचंद्र पवार) उमेदवार किरण पोकळेंच्या प्रचाराला जोरदार प्रारंभ; कचेरी उद्घाटन व भव्य पदयात्रा

महाराष्ट्र वाणी 

पुणे प्रतिनिधी : शंकर जोग दि ८

पुणे शहरातील प्रभाग क्रमांक २६ (गुरुवार पेठ, घोरपडी पेठ, समता भूमी) येथे राष्ट्रवादी काँग्रेस पार्टी (शरदचंद्र पवार गट) चे अधिकृत उमेदवार किरण पोकळे यांच्या प्रचाराला उत्साहात सुरुवात झाली. गुरुवर्य सोनालीताई कृष्णा विधाते यांच्या उपस्थितीत प्रचार कचेरीचे उद्घाटन करण्यात आले तसेच भव्य प्रचार पदयात्रेचा शुभारंभ झाला.

ही प्रचार पदयात्रा गुरुवार पेठ येथील जैन मंदिरापासून सुरू होऊन शिवाजी रोड, गाडीखाना, शाहू चौक, शितळा देवी चौक, गौरी आळी, कस्तुरी चौक मार्गे फुलवाला चौक जैन मंदिर येथे समारोपास आली. मार्गावर नागरिकांचा उत्स्फूर्त प्रतिसाद मिळत असून ठिकठिकाणी उमेदवार किरण पोकळे यांचे स्वागत करण्यात आले.

प्रचारादरम्यान नागरिकांशी संवाद साधताना किरण पोकळे म्हणाले की, “या प्रभागात रस्ते, ड्रेनेज, पाणीपुरवठा, वीज, कचरा व्यवस्थापन व वाहतूक कोंडी यांसारखे अनेक मूलभूत प्रश्न प्रलंबित आहेत. मतदारांनी मला निवडून दिल्यास हे सर्व प्रश्न प्राधान्याने सोडवून प्रभागाच्या सर्वांगीण विकासासाठी कटिबद्ध राहीन,” असा विश्वास त्यांनी दिला.

या प्रसंगी वर्षा किरण पोकळे, सुप्रिया तानाजी खेडेकर, नेहा सुनील पोकळे, सुनील किसन पोकळे, कल्पना अनंत वावरे, सुवर्णा दत्तात्रय कामठे, ऐश्वर्या कामठे, रेखा तावरे, प्रज्ञा अमित पाटील, अमित अशोकराव पाटील, अशोकराव पाटील, श्रीमती पार्वती शंकरराव तावरे, किसनराव निवृत्ती खेडेकर, श्रीमती लक्ष्मीबाई किसनराव पोकळे यांच्यासह अनेक पदाधिकारी, कार्यकर्ते व नागरिक मोठ्या संख्येने उपस्थित होते.

प्रभागाच्या विकासासाठी परिवर्तनाची गरज असल्याचा संदेश देत किरण पोकळेंच्या प्रचाराने परिसरात निवडणुकीचे वातावरण तापवले आहे.