निष्पापांची शांत लढाई!जळगावात लहान बालकांची मानव शृंखला; वक्फ कायद्याविरुद्ध तीव्र निषेध

महाराष्ट्र वाणी न्युज 

जळगाव दि २६ जुलै :- देशभरात वक्फ मालमत्तेवर चाललेल्या वादांच्या पार्श्वभूमीवर, जळगावच्या मासूम वाडी येथील मस्जिद अबुबकर परिसरात आज एक वेगळाच आणि प्रभावी निषेध पाहायला मिळाला. इस्लामिक मदरशांतील लहान निष्पाप बालकांनी नव्या वक्फ कायद्याविरुद्ध मानव शृंखलेद्वारे शांततापूर्ण आणि शिस्तबद्ध निषेध केला.

या आंदोलनात सहभागी बालकांच्या हातात फलक व बॅनर्स होते, ज्यावर लिहिले होते –

 "वक्फ आमचा हक्क आहे – हस्तक्षेप थांबवा!"

 "मदरशांचे रक्षण करण्यासाठी आम्ही सतर्क आहोत!"

 "वक्फ मालमत्तेवर सरकारी कब्जा अस्वीकार्य आहे!"

हा निषेध कोणत्याही गोंधळाशिवाय, अत्यंत शांततेत पार पडला. मदरशाचे शिक्षक व विश्वस्त मंडळींनी संपूर्ण कार्यक्रमाचे निरीक्षण केले.

वक्फ बचाव समितीचे समन्वयक फारुक शेख यांनी सांगितले की,

 "वक्फ कायद्यात होणाऱ्या अन्यायांना आता लहान मुलांनाही जाणवू लागले आहे. ही वेळ शांत बसण्याची नाही. सरकारने वक्फ मालमत्तेशी संबंधित कायद्यांचा पुनर्विचार करावा, हीच आमची मागणी आहे."

या आंदोलनाला परिसरातील पालक व नागरिकांकडूनही मोठा प्रतिसाद मिळाला. एका पालकाने सांगितले की –

 "हा फक्त मुलांचा आवाज नाही, तर संपूर्ण समुदायाची भावना आहे. आपल्या धार्मिक व सामुदायिक हक्कांसाठी लढण्याची ही सुरुवात आहे."

या प्रसंगी उपस्थित होते –

फारुक शेख, हाफिज अब्दुल रहीम, हाफिज इम्रान काकर, मौलाना गुफ्रान, हाफिज वसीम पटेल, इक्बाल शेख, शेख महमूद सर, इद्रिस शेख व परिसरातील नागरिक.

1️⃣ लहान बालकांची मानव शृंखला

2️⃣ वक्फ बचाव समितीचे पदाधिकारी व बालकांचा संयुक्त निषेध

 ‘बालहक्कांपासून वक्फपर्यंत – आता प्रत्येक आवाज महत्त्वाचा!’

(अधिक अपडेटसाठी आमच्या पोर्टलवर जरूर भेट द्या.)