अट्टल चोर टोळीला अटक! मोबाईल व रोकड लुटणारे तिघे जेरबंद – छत्रपती संभाजीनगर ग्रामीण पोलिसांची कारवाई

महाराष्ट्र वाणी न्युज 

छत्रपती संभाजीनगर(औरंगाबाद) दि २२ जुलै :- पोलीस ठाणे करमाड हद्दीत जबरी चोरी करणाऱ्या अट्टल चोरट्यांना स्थानिक गुन्हे शाखेच्या पथकाने अटक करून मोठे यश मिळवले आहे. लाडसावंगी रोड, भांबर्डा शिवारात एका तरुणाला चाकूचा धाक दाखवत मोबाईल व पाच हजार रुपये लुटणाऱ्या आरोपींच्या टोळीचा पर्दाफाश करण्यात आला आहे.

🔍 घटना कशी घडली?

दिनांक 15 जुलै 2025 रोजी सायंकाळी 3.30 वाजता लाडसावंगी रोडवर लिव्ही कमलाकर घोरपडे (वय 19, रा. बदनापूर, जि. जालना) याला अज्ञात इसमांनी मोटारसायकल अडवून चाकूचा धाक दाखवला. त्याला चापट-बुक्क्यांनी मारहाण करत मोबाईल व रोख रक्कम पाच हजार रुपये हिसकावून आरोपी पसार झाले. या प्रकरणी करमाड पोलीस ठाण्यात गुन्हा दाखल करण्यात आला होता.

🕵️ तपासाची चक्रे फिरली

या घटनेची गंभीर दखल घेत छत्रपती संभाजीनगर ग्रामीणचे पोलीस अधीक्षक डॉ. विनयकुमार राठोड व अपर पोलीस अधीक्षक अन्नपूर्णा सिंह यांच्या मार्गदर्शनाखाली स्थानिक गुन्हे शाखेचे निरीक्षक विजयसिंह राजपूत यांनी पथक तयार केले. विविध भागात गुप्त बातमीदार तैनात करण्यात आले, संशयितांवर नजर ठेवण्यात आली. आठवडी बाजारात साध्या वेशात गस्तही सुरू होती.

💡 गोपनीय माहिती आणि अटकेची कारवाई

दिनांक 22 जुलै रोजी पथकाला गोपनीय माहिती मिळाली की दिनेश दिलीप नवगीरे (वय 19, रा. नवनाथ नगर) याने त्याच्या तीन साथीदारांसोबत गुन्हा केला आहे. स्थानिक गुन्हे शाखेच्या पथकाने झेंडा चौक, गारखेडा परिसरात सापळा रचून नवगीरेला अटक केली. चौकशीत त्याने गुन्ह्याची कबुली दिली. त्यानंतर एजाज उर्फ अज्जु सय्यद, अनुज सौरभ साबळे आणि अमन शेख या तिघांनाही अटक करण्यात आली.

📱 चोरी गेलेला मुद्देमाल जप्त

या आरोपींकडून चोरी गेलेला मोबाईल व रोकड जप्त करण्यात आली आहे. सर्व आरोपींना वैद्यकीय तपासणीनंतर करमाड पोलीस ठाण्यात हजर करण्यात आले असून, पुढील तपास सुरू आहे.

👮 कार्यवाहीतील अधिकारी

या यशस्वी कारवाईत स्था.गु.शा.चे स.पो.नि. पवन इंगळे, सपोनि मोटे, पो.ह. वाल्मिक निकम, शिवानंद बनगे, अशोक वाघ, पो.अ. अनिल काळे, महेश बिरुटे, चालक संजय तांदळे, पो.अं./योगेश तरमाळे, पो.अं./जीवन घोलप यांचा मोलाचा वाटा राहिला.

🚨 ‘अट्टल चोरांविरुद्ध पोलिसांची चोख कारवाई – ग्रामीण भागात निर्माण झाला विश्वास!’ 🚔