महाराष्ट्रातील २९ महापालिकांच्या महापौर आरक्षणाची सोडत जाहीर

महाराष्ट्र वाणी 

मुंबई (प्रतिनिधी) दि २२ :- राज्यातील २९ महापालिकांसाठी महापौर पदाच्या आरक्षणाची सोडत जाहीर करण्यात आली आहे. या सोडतीनुसार अनेक महापालिकांमध्ये सर्वसाधारण, अनुसूचित जाती (SC), अनुसूचित जमाती (ST) आणि ओबीसी प्रवर्गांसाठी तसेच महिला आरक्षणाअंतर्गत पदे निश्चित झाली आहेत. त्यामुळे आगामी महापालिका राजकारणात नव्या समीकरणांना चालना मिळण्याची शक्यता आहे.

सर्वसाधारण (महिला) प्रवर्गात

पुणे, मुंबई, नवी मुंबई, छत्रपती संभाजीनगर, भिवंडी, अमरावती, नांदेड आणि धुळे या महापालिकांचा समावेश आहे. याशिवाय पिंपरी-चिंचवड महापालिकेसाठीही सर्वसाधारण महिला आरक्षण जाहीर झाले आहे.

सर्वसाधारण प्रवर्गात

मीरा-भाईंदर, मालेगाव, नाशिक, नागपूर, वसई-विरार आणि परभणी या महापालिकांचा समावेश आहे.

अनुसूचित जमाती (ST) प्रवर्गात

कल्याण-डोंबिवली महापालिकेचा समावेश झाला आहे.

अनुसूचित जाती (SC) प्रवर्गात

ठाणे महापालिकेसाठी SC आरक्षण, तर जालना आणि लातूर महापालिकांसाठी SC – महिला आरक्षण निश्चित करण्यात आले आहे.

ओबीसी प्रवर्गात

पनवेल, इचलकरंजी, उल्हासनगर आणि कोल्हापूर महापालिकांना OBC आरक्षण मिळाले आहे.

ओबीसी – महिला प्रवर्गात

चंद्रपूर, जळगाव, अकोला आणि अहिल्यानगर (अहमदनगर) महापालिकांचा समावेश आहे.

या आरक्षण सोडतीमुळे अनेक ठिकाणी राजकीय पक्षांची रणनीती बदलण्याची शक्यता असून इच्छुक उमेदवारांच्या हालचालींना वेग आला आहे. आगामी निवडणुकांच्या पार्श्वभूमीवर ही सोडत महत्त्वाची मानली जात आहे.

महापालिका राजकारणात आता आरक्षणावरच ठरणार नेतृत्वाची दिशा!