🚧“निवेदनानंतर गतीरोधकांचे काम सुरू; नागरिकांकडून अतुल चव्हाण यांचे आभार!”

महाराष्ट्र वाणी

छत्रपती संभाजीनगर (औरगाबाद) दि २० :- शहरातील शाहनगर, पटेल नगर, हुसैन नगर आणि अफान कॉलनी परिसरात रस्त्यांची उत्कृष्ट कामे पूर्ण झाल्यानंतर वाहनांचा वेग मोठ्या प्रमाणात वाढला होता. परिणामी या भागात अपघातांची शक्यता वाढली होती.

या पार्श्वभूमीवर जिल्हा मध्यवर्ती सहकारी बँकेचे संचालक जावेद पटेल यांनी पुढाकार घेत संबंधित ठिकाणी गतीरोधक बसविण्याबाबत सार्वजनिक बांधकाम विभागाकडे निवेदन सादर केले होते. विशेष म्हणजे 17 तारखेला दिलेल्या या निवेदनाची दखल घेत मुख्य अभियंता अतुल चव्हाण यांनी तात्काळ मंजुरी दिली.

या निर्णयानंतर अवघ्या 20 तारखेला प्रत्यक्ष कामालाही सुरुवात करण्यात आली आहे. त्यामुळे परिसरातील नागरिकांमध्ये समाधानाचे वातावरण असून, अपघातांना आळा बसण्याची अपेक्षा व्यक्त केली जात आहे.

या जलद कार्यवाहीबद्दल जिल्हा मध्यवर्ती बँकेचे संचालक जावेद पटेल यांनी तसेच परिसरातील नागरिकांनी अतुल चव्हाण यांचे मनापासून आभार मानले आहेत.

👉 “वेगावर नियंत्रण, सुरक्षिततेकडे पाऊल – प्रशासनाच्या तत्परतेला नागरिकांचा सलाम!”