🌀“नागराजकारणाला ठेचणार!” — गहूलीतून बच्चू कडू यांचा सरकारला अल्टीमेटम!

महाराष्ट्र वाणी न्युज 

गहूली दि २९ जुलै :- नागपंचमीच्या पवित्र दिवशी गहूलीत झालेल्या चिंतन बैठकीत शेतकरी नेते बच्चू कडू यांनी सरकारवर थेट हल्लाबोल करत ‘नागराजकारण’ संपवण्याची गर्जना केली. “श्रीकृष्णाने कालियाला ठेचलं, तसंच आम्ही शेतकऱ्यांना गिळणाऱ्या धोरणांना ठेचून काढणार!” असा जळजळीत इशारा देत, त्यांनी ‘शिंदूर यात्रा’सह ट्रॅक्टर मोर्चांची रणनिती जाहीर केली.

स्व. वसंतराव नाईक यांच्या स्मृतीस्थळी जमलेल्या शेतकरी कार्यकर्त्यांनी भावनांपेक्षा बंडखोरीचं रणशिंग फुंकलं. “शेतकरी रक्तदान करतोय, पण सरकारचं मन अजून काळं आहे,” अशा शब्दांत संताप व्यक्त करण्यात आला.

🔥 बावनकुळे–कोकाटेंवर घणाघात

 “समिती केली म्हणून स्टंटबाजी म्हणता? इथे शेतकरी मरणाच्या उंबरठ्यावर, आणि तुम्ही विधानसभेत पत्ते खेळता?”

– बच्चू कडूंचा संतप्त सवाल

बावनकुळे यांनी केलेल्या विधानावर संताप व्यक्त करत, कडूंनी कृषिमंत्री माणिकराव कोकाटेंनाही चांगलंच झोडपलं. पंचनाम्यांची अंमलबजावणी न होणं, आदेश न निघणं आणि फसवे आश्वासने यावरून प्रशासन आणि सरकारवर तोफ डागण्यात आली.

🔴 शेतकरी चळवळीचा पुढचा टप्पा:

रामटेक ते दीक्षाभूमी ‘शिंदूर यात्रा’

हिंगोली ते नांदेड दुसरी यात्रा

२ ऑक्टोबरपासून 'गांधीगिरी' नव्हे, 'भगतसिंगगिरी'

गावागावातून ट्रॅक्टर मोर्चे

गणपती विसर्जनाऐवजी 'फिरता जनजागृती गणपती'

💥 हा संघर्ष फक्त कर्जमाफीसाठी नाही!

 “वाडा आंदोलन, रायगड अन्नत्याग, चक्काजाम, सातबारा कोरा पदयात्रा... आमचं प्रत्येक पाऊल सरकारला हादरवण्यासाठी!”

– शेतकरी संघटनांची रणनिती जाहीर

⚠️ सरकारला अंतिम इशारा:

 “शेतकऱ्यांना कर्जमुक्ती का नाही? खुलं उत्तर द्या! अन्यथा पुढचा टप्पा सरकारसाठी घातक ठरेल.”

"ज्याप्रमाणे कालियाला ठेचलं श्रीकृष्णाने, तसंच हे नागराजकारण महाराष्ट्रात ठेचलं जाईल!"

हा आवाज आज गहूलीत घुमला… उद्या तो संपूर्ण राज्य हादरवेल!

🟢 अशा लढ्याला हवा जनतेचा पाठिंबा – कारण, हा फक्त शेतकऱ्यांचा नव्हे, महाराष्ट्राच्या भविष्याचा लढा आहे!