कचरा नियमांचे उल्लंघन महागात! ४ प्रभागांत धडक कारवाई — ₹13 हजारांचा दंड वसूल

महाराष्ट्र वाणी

छत्रपती संभाजीनगर(औरंगाबाद) दि ७ :- शहर स्वच्छतेच्या नियमांकडे दुर्लक्ष करणाऱ्यांविरोधात महानगरपालिकेने पुन्हा एकदा कठोर भूमिका घेतली आहे. TV सेंटर आणि आकाशवाणी रोड परिसरात आज राबविण्यात आलेल्या विशेष पाहणी मोहिमेत तब्बल ₹13,000/- दंड वसूल करण्यात आला.

उपायुक्त तथा घनकचरा व्यवस्थापन कक्ष प्रमुख नंदकिशोर भोंबे यांच्या मार्गदर्शनाखाली ही कारवाई प्रभाग 2, 7, 16 आणि 18 मध्ये एकाचवेळी करण्यात आली. पाहणीदरम्यान अनेक नागरिक ओला-सुका कचरा न वेगळा करता थेट रस्त्यावर टाकत असल्याचे उघड झाले.

👉 वारंवार सूचना देऊनही नियम पाळले जात नसल्याने संबंधितांवर तात्काळ दंडात्मक कारवाई करण्यात आली.

👉 नागरिकांना जागेवरच समज देत कचऱ्याचे योग्य वर्गीकरण कसे करावे याचे मार्गदर्शनही करण्यात आले.

👉 शहर स्वच्छ ठेवण्यासाठी जनजागृती (IEC) उपक्रम देखील राबविण्यात आला.

या मोहिमेत आर्मी जवानांसह एस. एम. वाघ, दौलत आर. म्हस्के, एस. आय. सुहास भाले, प्रसाद दांडगे आणि जवान विजय साबळे यांनी सक्रिय सहभाग नोंदवला.

⚠️ इशारा स्पष्ट: नियम मोडाल तर दंड ठोठावला जाईल!

 आपले शहर स्वच्छ ठेवणे ही केवळ पालिकेची नाही, तर प्रत्येक नागरिकाची जबाबदारी आहे — अन्यथा पुढचा नंबर तुमचाही असू शकतो!