🗳️ नगरपालिकेच्या रणसंग्रामाला सुरुवात! पहिल्या टप्प्याच्या निवडणुकांचा कार्यक्रम जाहीर – मतदान २ डिसेंबरला, निकाल ३ डिसेंबरला

महाराष्ट्र वाणी न्युज 

मुंबई दि ४ :- राज्य निवडणूक आयोगाने अखेर राज्यातील स्थानिक स्वराज्य संस्थांच्या निवडणुकांचा बिगुल वाजवला आहे. आज झालेल्या पत्रकार परिषदेत २४६ नगरपालिका आणि ४२ नगरपरिषदांच्या निवडणुकीचा कार्यक्रम जाहीर करण्यात आला. त्यामुळे राज्यभर राजकीय उत्साहाचे वातावरण निर्माण झाले आहे.

सर्वोच्च न्यायालयाच्या आदेशानुसार, मुदत संपलेल्या स्थानिक स्वराज्य संस्थांच्या निवडणुका ३१ जानेवारी २०२५ पूर्वी पार पाडणे आवश्यक आहे. याच पार्श्वभूमीवर हा कार्यक्रम जाहीर झाला असून, या निवडणुका EVM द्वारे पार पडणार आहेत.

📅 महत्त्वाच्या तारखा :

अर्ज दाखल करण्यास प्रारंभ : १० नोव्हेंबर २०२५

अर्ज दाखल करण्याची अंतिम तारीख : १७ नोव्हेंबर २०२५

नामनिर्देशनपत्रांची छाननी : १८ नोव्हेंबर २०२५

उमेदवारी माघार घेण्याची अंतिम मुदत : २१ नोव्हेंबर २०२५

उमेदवारांची अंतिम यादी : २६ नोव्हेंबर २०२५

मतदानाचा दिवस : २ डिसेंबर २०२५

मतमोजणी आणि निकाल : ३ डिसेंबर २०२५

📋 मतदारांसाठी सूचना :

७ नोव्हेंबर रोजी मतदारसंघनिहाय मतदार याद्या प्रसिद्ध केल्या जाणार आहेत. नागरिक आपल्या नावाची तपासणी मोबाइल ॲपमधूनही करू शकतील. तसेच दुबार मतदारांच्या नावापुढे स्टार चिन्ह दाखवण्यात येणार असून, अशा मतदारांची स्वतंत्र चौकशी केली जाईल.

या निवडणुकीत १ कोटी ७ लाख ३ हजार ५७६ मतदारांचा सहभाग अपेक्षित आहे. पक्ष आणि उमेदवार आता तयारीला लागले असून, स्थानिक मुद्द्यांवरून रंगणार आहे एक खरी निवडणूक लढाई!

“लोकशाहीचा सण जवळ आलाय, आता जनता ठरवेल कोणावर ठेवायचा विश्वास!”