🗳️ जिल्ह्यात नगरपरिषद-नगरपंचायत निवडणुकीची रणधुमाळी सुरू! २ डिसेंबरला मतदान, ३ ला निकाल 🔥

महाराष्ट्र वाणी न्युज 

छत्रपती संभाजीनगर( औरंगाबाद) दि ११ :- जिल्ह्यातील ६ नगरपरिषद आणि १ नगरपंचायतीच्या सार्वत्रिक निवडणुकीची घोषणा झाल्यानंतर राजकीय वातावरण तापू लागले आहे. वैजापूर, सिल्लोड, पैठण, कन्नड, गंगापूर, खुलताबाद या नगरपरिषदांसह फुलंब्री नगरपंचायतीत यंदा मतदान २ डिसेंबर रोजी होणार असून, मतमोजणी ३ डिसेंबरला पार पडणार आहे.

या निवडणुकीत ७ नगराध्यक्ष व १६० नगरसेवकांची निवड होणार असून, एकूण २ लाख ३४ हजार १६३ मतदार मतदानाचा हक्क बजावणार आहेत. त्यापैकी १ लाख १८ हजार ९७५ पुरुष, १ लाख १५ हजार १७३ महिला व १५ इतर मतदार असून २६७ मतदान केंद्रांवर मतदान पार पडणार आहे.

🔹नगरपरिषद व नगरपंचायतनिहाय माहिती :

वैजापूर : २५ सदस्य, मतदार ४२,३३४ (पुरुष २१,३४३, महिला २०,९९१), मतदान केंद्र ४८

पैठण : २५ सदस्य, मतदार ३७,५४९ (पुरुष १९,०२५, महिला १८,५२४), केंद्र ४४

कन्नड : २५ सदस्य, मतदार ३७,७८० (पुरुष १८,९५७, महिला १८,८१८, इतर ५), केंद्र ४३

सिल्लोड : २८ सदस्य, मतदार ५४,८०८ (पुरुष २८,२७६, महिला २६,५२९, इतर ३), केंद्र ६१

गंगापूर : २० सदस्य, मतदार २९,२८७ (पुरुष १४,८२७, महिला १४,४५४, इतर ६), केंद्र ३३

खुलताबाद : २० सदस्य, मतदार १४,७७५ (पुरुष ७,३५१, महिला ७,४२४), केंद्र १९

फुलंब्री : १७ सदस्य, मतदार १७,७३० (पुरुष ९,१९६, महिला ८,४३३, इतर १), केंद्र १९

🔸नगराध्यक्ष पदांचे आरक्षण:

वैजापूर – नागरीकांचा मागास प्रवर्ग

पैठण – सर्वसाधारण महिला

कन्नड – सर्वसाधारण महिला

सिल्लोड – सर्वसाधारण

गंगापूर – सर्वसाधारण

खुलताबाद – सर्वसाधारण

फुलंब्री – सर्वसाधारण

🗓️ निवडणूक कार्यक्रम :

नामनिर्देशनपत्र स्वीकृती : १० ते १७ नोव्हेंबर

यादी प्रसिद्धी : १८ नोव्हेंबर

माघारी, छाननी व चिन्हवाटप : २६ नोव्हेंबर

मतदान : २ डिसेंबर

मतमोजणी : ३ डिसेंबर

💰 खर्च मर्यादा :

नगराध्यक्ष (ब वर्ग): ₹११.२५ लाख

नगरसेवक (ब वर्ग): ₹३.५० लाख

नगराध्यक्ष (क वर्ग): ₹७.५० लाख

नगरसेवक (क वर्ग): ₹२.५० लाख

नगराध्यक्ष (नगरपंचायत): ₹६ लाख

सदस्य: ₹२.२५ लाख

या निवडणुकीसाठी एकूण ६१० मतदान यंत्रे व ३०५ कंट्रोल युनिट वापरण्यात येणार असून ७ निवडणूक निर्णय अधिकारी व ७ सहाय्यक अधिकारी नेमण्यात आले आहेत.

राजकीय पक्षांनी तयारीस जोर लावल्यानं जिल्ह्यातील स्थानिक स्वराज्य संस्थां मधील सत्तासमीकरणे बदलण्याची शक्यता व्यक्त केली जात आहे.