📵 मोबाईलचे व्यसन थांबवा : भविष्याला घडवा!

महाराष्ट्र वाणी न्युज 

 डिजिटल युग आणि आपलं आयुष्य

२१व्या शतकात तंत्रज्ञानाच्या प्रगतीने आपल्याला अनेक सोयी दिल्या. मोबाईल, इंटरनेट, सोशल मीडिया यामुळे जग जवळ आलं. शिक्षण, व्यवसाय, संवाद सुलभ झाले. पण याच मोबाईलचा अतिरेक आज कुटुंबांमध्ये दुरावा, मुलांमध्ये व्यसन आणि संवादाचा अभाव निर्माण करत आहे.

 मोबाईल: साधन की सापळा?

मोबाईलचा उद्देश संवाद वाढवण्याचा होता, पण आज तोच संवाद संपवत आहे. एकाच खोलीत बसलेले घरातील सदस्य मोबाईलमध्ये गर्क आहेत. जेवताना, झोपताना, विश्रांतीच्या वेळेसही मोबाईल सोबतच असतो.

आई-बाबा मुलांशी बोलतात, पण प्रतिसाद मोबाईलमुळे कमी होतो.

मुलं अभ्यासाऐवजी रील्स, गेम्स, चॅट्समध्ये रमतात.

पालकही ‘मी बिझी आहे’ म्हणत मोबाईलच्या आहारी गेले आहेत.

 मोबाईल व्यसनाची धोकादायक लक्षणं

सतत स्क्रीनकडे पाहणं

झोपेचा अभाव

चिडचिडेपणा, नैराश्य

आभासी जगात हरवणं

सामाजिक नात्यांपासून दूर जाणं

एकटेपणा वाढणे

मोबाईलच्या नशेमुळे मुलांचा अभ्यास, आरोग्य, विचारशक्ती आणि व्यक्तिमत्त्व धोक्यात येत आहे.

 विद्यार्थ्यांनो – आता सावध व्हा!

तुमचं वय हे शिकण्याचं, घडण्याचं आणि स्वप्न बघण्याचं वय आहे. पण जर वेळ मोबाईलवरच घालवली, तर यश दूर जाईल.

 दिवसाचं वेळापत्रक तयार करा

 'नो मोबाईल टाइम' ठरवा (किमान २ तास)

 माहिती मिळवण्यासाठी मोबाईलचा वापर करा

 मैदानी खेळ, व्यायाम, वाचन, छंद जोपासा

घरात संवाद वाढवा – गप्पा, अनुभव, शिकवण

 पालकांनी घेतली पाहिजे पुढाकार

मोबाईलवर मर्यादा ठेवा

मोबाईलशिवाय आनंद देणारे क्षण निर्माण करा

मुलांसोबत संवाद साधा

आठवड्यातून एकदा 'डिजिटल उपवास' करा

स्वतःही मोबाईलचा विवेकी वापर करा – आदर्श ठेवा

 खरंच मोबाईल गरजेचा आहे का इतका?

हो, कोविड काळात ऑनलाईन शिक्षण आवश्यक होतं. YouTube, Zoom, Google Classroom या साधनांनी शिकायला मदत केली.

पण आता त्याच मोबाईलचा अतिरेक आपल्या शिक्षण, आरोग्य आणि नात्यांवर घातक परिणाम करत आहे.

मोबाईलचा वापर असावा – अतिरेक नाही!

मोबाईल एक साधन आहे – जीवन नाही. तो तुमच्या हातात असावा, तुम्ही त्याच्या हाती नव्हे.

 संवाद वाढवा

 कुटुंबात सहवास वाढवा

 नाती जपा

 खऱ्या आयुष्याचा आनंद घ्या

 विद्यार्थ्यांनो – यश तुमच्याच हातात आहे!

या वयात घेतलेली योग्य दिशा तुम्हाला यशाच्या शिखरावर घेऊन जाईल. मोबाईलचा मर्यादित आणि विवेकी वापर हा तुमच्या यशस्वी भविष्याचा पाया ठरू शकतो.

 आजपासून सुरुवात करा!

"मोबाईलचे व्यसन थांबवा – आणि उज्वल भविष्य घडवा!"

✍🏻 लेखक: रामदास वाघमारे

आदर्श शिक्षक | महाराष्ट्र शासनाचा डॉ. बाबासाहेब आंबेडकर समाज भूषण पुरस्कार प्राप्त