“मार्टि योजना रखडली, अल्पसंख्याक विद्यार्थी अजूनही प्रतीक्षेत – सरकारकडे विनम्र मागणी”

महाराष्ट्र वाणी न्युज 

मुंबई ( छत्रपती संभाजीनगर) दि २ :- महाराष्ट्र शासनाने अल्पसंख्याक विद्यार्थ्यांच्या शैक्षणिक प्रगतीसाठी स्वतंत्र “महाराष्ट्र अल्पसंख्याक संशोधन व प्रशिक्षण संस्था (मार्टि)” स्थापन केली असली तरी, या योजनेची अंमलबजावणी अद्याप झालेली नाही. त्यामुळे विद्यार्थ्यांना शिष्यवृत्ती, प्रशिक्षण आणि इतर शैक्षणिक सुविधांसाठी प्रतीक्षेत राहावे लागत आहे.

दरम्यान, बार्टी, सारथी, टीआरटीआय आणि महाज्योती या संस्थांद्वारे इतर घटक समाजासाठी योजनांची यशस्वी अंमलबजावणी केली जात आहे. मात्र, अल्पसंख्याक विद्यार्थ्यांना अशाच संधींची कमतरता भासत असल्याचे चित्र आहे.

या पार्श्वभूमीवर ॲङ अझर पठाण मार्टि कृती समिती ने मुख्यमंत्री, उपमुख्यमंत्री आणि अल्पसंख्याक विकास मंत्री यांना विनम्र विनंती केली आहे की, “मार्टि”ची अंमलबजावणी तातडीने सुरू करण्यात यावी, जेणेकरून अल्पसंख्याक समाजातील विद्यार्थ्यांनाही समान संधी मिळेल.

समितीचे मत आहे की, ही मागणी केवळ विद्यार्थ्यांच्या प्रगतीसाठीच नव्हे, तर संविधानाने दिलेल्या समानतेच्या हक्कासाठीदेखील आहे.

“सरकारने तातडीने निर्णय घेऊन, अल्पसंख्याक विद्यार्थ्यांच्या आशा-अपेक्षांना न्याय द्यावा – अशीच विनंती समाजातून व्यक्त होत आहे.”