बिडकीनच्या ताइक्वांडो योद्ध्यांचा पराक्रम!एशियन आंतरराष्ट्रीय तायक्वांदो स्पर्धेत ३ सुवर्ण, २ रौप्य पदकांची कमाई

महाराष्ट्र वाणी न्युज

हैदराबाद दि १४ :– गाची बोली इंडोर स्टेडियम येथे १२, १३ व १४ सप्टेंबर २०२५ रोजी आयोजित ओपन एशियन इंटरनेशनल ताइक्वांडो चॅम्पियनशिप स्पर्धेत औरंगाबादच्या परफेक्ट मार्शल आर्ट्स टीमने पहिल्याच प्रयत्नात धडाकेबाज कामगिरी करत तीन सुवर्ण व दोन रौप्य पदकांची कमाई केली.

या आंतरराष्ट्रीय स्पर्धेत भारत, मलेशिया, बांग्लादेश, भूटान, नेपाळ, श्रीलंका, व्हिएतनाम आणि कतार या ८ देशांच्या खेळाडूंनी सहभाग घेतला होता. स्पर्धा ताइक्वांडो मास्टर वफ़ा रवि (बंगळुरू) यांच्या मार्गदर्शनाखाली झाली.

औरंगाबादच्या खेळाडूंनी गाजवलेली कामगिरी –

🥇 हुमायूं डॉ. हाफिज इमरान – सुवर्ण पदक

🥇 सार्थक कृष्णा राठोड – सुवर्ण पदक

🥇 अर्श अनीस शेख – सुवर्ण पदक

🥈 फैजान मुजम्मिल तंबोली – रौप्य पदक

🥈 अर्श सुफ़यान कुरेशी – रौप्य पदक

विशेष म्हणजे, स्पर्धेत उत्कृष्ट मार्गदर्शनासाठी मास्टर हाफिज इमरान यांना ‘सर्वोत्कृष्ट प्रशिक्षक’ पुरस्काराने गौरविण्यात आले.

औरंगाबाद परफेक्ट मार्शल आर्ट्स टीमच्या या यशामुळे संपूर्ण शहरात आनंदाची लाट पसरली असून, स्थानिक क्रीडाप्रेमींनी विजेत्या खेळाडूंचे व प्रशिक्षकांचे कौतुक केले आहे.

👉 “हा केवळ आरंभ आहे; पुढील काळात आंतरराष्ट्रीय पातळीवर आणखी मोठे यश मिळवू,” अशी प्रतिक्रिया प्रशिक्षक हाफिज इमरान यांनी दिली.