‘दलित पँथर’चा मोठा झटका; Sharad Pawar गटात दमदार एंट्री – राष्ट्रवादीची ताकद वाढली!

महाराष्ट्र वाणी

छत्रपती संभाजीनगर(औरंगाबाद) दि २० :- जिल्ह्यातील राजकीय समीकरणांना कलाटणी देणारी महत्त्वाची घडामोड घडली असून Nationalist Congress Party (Sharad Pawar faction) गटाची ताकद आणखी भक्कम झाली आहे. ‘दलित पँथर’चे जिल्हाप्रमुख अजय बोडखे यांच्यासह अनेक पदाधिकाऱ्यांनी आज अधिकृतपणे राष्ट्रवादी काँग्रेस (शरदचंद्र पवार) गटात प्रवेश केला.

पक्षाची विचारधारा आणि ज्येष्ठ नेते Sharad Pawar यांच्या नेतृत्वावर विश्वास ठेवून हा निर्णय घेतल्याचे नव्याने प्रवेश केलेल्या कार्यकर्त्यांनी स्पष्ट केले. या प्रवेशामुळे जिल्ह्यातील सामाजिक आणि राजकीय समीकरणांवर मोठा परिणाम होण्याची शक्यता व्यक्त केली जात आहे.

प्रवेश केलेले प्रमुख पदाधिकारी: अजय बोडखे (जिल्हाप्रमुख, दलित पँथर), संतोष अण्णा खरात (जिल्हा उपाध्यक्ष), राहुल वेलदोडे (जिल्हा संघटक), शामभाऊ मुजमुले (शहराध्यक्ष, युवा कामगार), प्रदीप आव्हाड, प्रभु बोडे, शुभम आव्हाड (जिल्हा कोषाध्यक्ष) यांचा समावेश आहे.

या सर्वांचे स्वागत जिल्हाध्यक्ष पांडुरंग तांगडे पाटील यांच्या हस्ते पुष्पगुच्छ देऊन करण्यात आले. यावेळी शहरकार्याध्यक्ष आशिष पवार, सामाजिक न्याय विभागाचे जिल्हाध्यक्ष उद्धव बनसोडे, अशोक बनकर, राजेंद्र चव्हाण, आनंद मगरे यांच्यासह अनेक पदाधिकारी व कार्यकर्ते मोठ्या संख्येने उपस्थित होते.

या पक्षप्रवेशामुळे शहरासह संपूर्ण जिल्ह्यात राष्ट्रवादी काँग्रेस (शरदचंद्र पवार) गटाला नवसंजीवनी मिळणार असून, आगामी निवडणुकांच्या पार्श्वभूमीवर संघटनात्मक बळ अधिक मजबूत होईल, असा विश्वास जिल्हाध्यक्षांनी व्यक्त केला.

👉 “संभाजीनगरच्या राजकारणात नव्या घडामोडींचा हा फक्त ट्रेलर… पुढे अजून मोठे बदल होणार का?”