झाडांवर जाहिरात फलक लावणाऱ्यांवर दंडात्मक कारवाई करा, आयुक्त अमोल येडगे

महाराष्ट्र वाणी

छत्रपती संभाजीनगर(औरंगाबाद), दि.१० :-

शहरातील झाडांवर जाहिरात किंवा माहिती फलक लावणाऱ्या नागरिक व संस्थांविरुद्ध शहर विद्रूपीकरण प्रतिबंधक कायद्यांतर्गत दंडात्मक कारवाई करण्यात येईल, असे स्पष्ट निर्देश छत्रपती संभाजीनगर महानगरपालिकेचे आयुक्त श्री. अमोल येडगे यांनी दिले.

महानगरपालिका हद्दीतील कोणत्याही झाडांवर खिळे ठोकणे, जाहिरात अथवा माहिती फलक लावणे किंवा झाडांना कोणत्याही प्रकारची इजा पोहोचविणे हा कायद्याने दंडनीय गुन्हा आहे, असेही त्यांनी स्पष्ट केले.

महानगरपालिकेतर्फे सर्व नागरिक आणि संस्थांना आवाहन करण्यात येत आहे की, शहरातील झाडांचे संवर्धन व संरक्षण करण्यासाठी सहकार्य करावे. झाडांवर कोणत्याही प्रकारचे फलक न लावता पर्यावरणाचे जतन करण्यास पुढाकार घ्यावा.